રશિયાના એક સોશિયલ મીડિયા સ્ટારે પોતાની સવા કરોડની લક્ઝુરીયસ મર્સિડિઝ કારને આગના હવાલે કરી દીધી હોવાની ઘટના સામે આવી છે. જેનો વિડિયો હાલ સોશિયલ મીડિયામાં ખૂબ વાયરલ થઈ રહ્યો છે.
જાણીતા યુટ્યુબર મિખાઇલ લિટવિને પોતાના આ કારસ્તાનનો વિડિયો પણ શૂટ કરાવ્યો. મળતી માહિતી મુજબ, સોશિયલ મીડિયા અને ઇન્ટરનેટ એવી જગ્યા છે જ્યાં લોકોને પોતાની વાત કહેવા, બીજા પાસેથી શીખવા અને સંદેશ આપવા સરળ હોય છે. યૂટ્યૂબ) પણ આવું જ છે. લોકો તેમાં પોતાના વીડિયો બનાવીને અપલોડ કરે છે અને દુનિયા સાથે જોડાય છે. પરંતુ કેટલાક લોકો એવા પણ હોય છે જે વીડિયો બનાવીને માટે કોઈ પણ હદ પાર કરવા તૈયાર રહે છે.
આવો જ એક યૂટ્યૂબર છે રશિયાના મિખાઇલ લિટવિન. તેના ફોલોઅર્સની સંખ્યા ઘણી વધારે છે. હાલમાં જ તેણે પોતાની 1.10 કરોડ રૂપિયાની Mercedes GT 63Sને આગ ચાંપી દીધી હતી. ત્યારબાદ તેનો વીડિયો શૅર કર્યો, જે હવે વાયરલ થઈ રહ્યો છે. મિખાઇલ લિટવિને કાર સળગાવી દેવા પાછળનું કારણ કારમાં કોઈ ખામી હોવાનું જણાવ્યુ હતું. જેથી તેણે કારને આગના હવાલે કરી દીધી હતી.
