ફિલ્મ ‘ભૂલ ભુલૈયા 2’નું સેકન્ડ શિડ્યૂઅલ વર્ષ 2020માં જાન્યુઆરીમાં શરૂ થશે. આ ફિલ્મને ડિરેક્ટર અનિસ બઝમી ડિરેક્ટ કરી રહ્યાં છે. પ્રિયદર્શનની વર્ષ 2007મા આવેલી ‘ભૂલ ભુલૈયા’ની સીક્વલમાં કાર્તિક આર્યન તથા કિઆરા અડવાણી લીડ રોલમાં છે. તબુ પણ આ ફિલ્મમાં મહત્ત્વના રોલમાં છે.ડિરેક્ટર અનિસ બઝમીએ કહ્યું હતું કે ફર્સ્ટ શિડ્યૂઅલમાં કાર્તિક આર્યન તથા કિઆરા અડવાણી સાથે કામ કરવાની મજા આવી હતી.
તેમને કાર્તિકના કામની ખબર છે પરંતુ કિઆરા પણ કમાલનું કામ કરે છે. પહેલાં જ દિવસે કિઆરાએ દમદાર એક્ટિંગ કરી હતી. બંનેએ પોત-પોતાનો રોલ સારી રીતે પ્લે કર્યો છે. હવે, જાન્યુઆરીમાં સેકન્ડ શિડ્યૂઅલ શરૂ કરવામાં આવશે.ફર્સ્ટ શિડ્યૂઅલમાં માત્ર કાર્તિક આર્યન તથા કિઆરા અડવાણી જ જોવા મળ્યાં હતાં પરંતુ સેકન્ડ શિડ્યૂઅલમાં પૂરી સ્ટાર-કાસ્ટ જોવા મળશે. સૂત્રોના મતે, ફિલ્મનું સેકન્ડ શિડ્યૂઅલ ત્રણ મહિના સુધી લંડન તથા રાજસ્થાનમાં ચાલશે.આ વર્ષે ઓગસ્ટમાં કાર્તિક આર્યને ‘ભૂલ ભુલૈયા 2’ની જાહેરાત કરી હતી અને ફિલ્મનો ફર્સ્ટ લુક શૅર કર્યો હતો. ઓરિજિનલ ફિલ્મ ‘ભૂલ ભુલૈયા’ના બે ગીતો ‘અમી જે તોમાર’ તથા ‘હરે રામ હરે રામ’ સીક્વલમાં રિક્રિએટ કરવામાં આવશે. વિદ્યા બાલન ‘અમી જે તોમાર’માં જોવા મળશે. પ્રોડ્યૂસર ટી-સીરિઝની આ ફિલ્મ આવતા વર્ષે 31 જુલાઈએ રિલીઝ થશે. આ ફિલ્મ રણબીર કપૂર, સંજય દત્તની ફિલ્મ ‘શમશેરા’ સાથે બોક્સ ઓફિસ પર ટકરાશે.
