બોલિવૂડ એક્ટર વિકી કૌશલનો કરિયર ગ્રાફ બહુ ઝડપથી ઉપર જઈ રહ્યો છે, જે કોઇપણ ન્યૂકમરની તુલનામાં ઘણો વધારે કહેવાય. ઉરી અને રાઝી જેવી ફિલ્મોમાં જબરજસ્ત એક્ટિંગ કરી ચૂકેલ વિકી કૌશલના સ્ટેટસની સાથે-સાથે લાઇફ સ્ટાઇલ પણ બદલાઇ રહી છે.વિક્કી કૌશલે તાજેતરમાં જ તેના ઈંસ્ટાગ્રામ અકાઉન્ટ પર એક ફોટો શેર કર્યો છે. જેમાં તેના હાથ પર એક ખૂબજ સુંદર ઘડિયાળ દેખાઈ રહી છે, બ્લેક જેકેટ અને સુંદર કોટમાં વિકી એકદમ ડેશિંગ લાગી રહ્યો છે, પરંતુ તેના હાથમાં શોભી રહેલ ઘડિયાળની કિંમત આ બધા જ કરતાં વધારે છે.
ઉલ્લેખનિય છે કે, લેધર બેલ્ટ અને રોઝ ગોલ્ડવાળી આ ઘડિયાળની કિંમત લગભગ 22 લાખ 80 હજાર રૂપિયા છે.એક સામાન્ય વ્યક્તિ આટલા રૂપિયામાં તો એક સરસ SUV ખરીદી લે. ઉલ્લેખનિય છે કે, વીકી સોશિયલ મીડિયા મારફતે ફેન્સ સાથે સતત જોડાયેલો રહે છે અને તેની રિયલ લાઇફ અંગેનાં અપડેટ્સ પણ શેર કરતો રહે છે.વિકી કૌશલની ગત ફિલ્મ ઉરી ધ સર્જિકલ સ્ટ્રાઇક હતી અને ત્યારબાદથી જ ફેન્સ તેની આગામી ફિલ્મની રાહ જોઇ રહ્યા છે. આગામી સમયમાં વિકીની ઘણી ફિલ્મો રિલીઝ થવાની છે, જેમાં ભૂત, સરદાર ઉધમ સિંહ અને સૈમ માનેકશૉની બાયોપિકનો સમાવેશ થાય છે.
