અક્ષય કુમાર દ્વારા આપવામાં આવેલ ‘બાલા ચેલેન્જ’ હવે બોલિવૂડની હસ્તીઓમાં ટ્રેન્ડ કરી રહ્યું છે. ઘણા સ્ટાર્સ આ ચેલેન્જ સ્વીકારીને ‘શેતાન કા સાલા’ ગીતના હૂક સ્ટેપ્સ સાથે વિડિઓ પોસ્ટ કરી રહ્યાં છે. અત્યાર સુધી રણવીર સિંહ, કરીના કપૂર ખાન, કિયારા અડવાણી, દિલજીત દોસાંઝ, આયુષ્માન ખુરાના અને અર્જુન કપૂરે ‘બાલા ચેલેન્જ’ એક્સેપ્ટ કર્યું છે. હવે આ લીસ્ટમાં વરૂણ ધવનનું નામ પણ જોડવામાં આવ્યું છે. અક્ષયની આગામી ફિલ્મ ‘હાઉસફુલ 4’ ના ગીત ‘શૈતાન કા સાલા’ ના હુક્સ સ્ટેપ્સ કરીને વરુણે વીડિયો પોસ્ટ કર્યો છે. આ વીડિયોમાં વરુણ સાથે કોરિયોગ્રાફર ગણેશ આચાર્ય પણ જોવા મળી રહ્યા છે. વરુણે વીડીઓમાં રેડ પ્લાઝો સ્ટાઇલનું કટ પેન્ટ પહેર્યું છે. જેને લોકો ખુબ ટ્રોલ કરી રહ્યા છે. અને સોશિયલ મીડિયા પર આ વિડિઓ ખુબ વાયરલ થઈ રહ્યો છે. જણાવી દઈએ કે થોડા દિવસો પહેલા ફિલ્મ ‘હાઉસફુલ 4’ નું ‘શૈતાન કા સાલા’ ગીત રિલીઝ થયું હતું, જેને લોકો ખૂબ પસંદ કરી રહ્યા છે. અક્ષયે ફેન્સ અને સ્ટાર્સને ‘બાલા ચેલેન્જ’ આપી હતી આ ચેલેન્જ સોશિયલ મીડિયા પર ખુબ વાયરલ થઈ છે. હાઉસફુલ 4 દિવાળી પર રિલીઝ થશે.
