સમગ્ર દેશમાં કોરોના વાયરસની મહામારીનાં કારણે લાંબા સમયથી લોકડાઉન ચાલી રહ્યું છે. તે દરમ્યાન લોકડાઉન સંપૂર્ણ સફળ બને તે માટે સરકાર દ્વારા અગત્યના પગલાં લેવામાં આવી રહ્યા છે. તેવામાં ભરૂચ જિલ્લાના આમોદ PSI અને યાદવ મેડમ દ્વારા લોકડાઉનને સંપૂર્ણ સફળ બનાવવા માટે ચુસ્તપણે પાલન કરાવવામાં આવી રહ્યું છે.પોલીસ દ્વારા ૨૪ કલાક સતત પેટ્રોલિંગ તેમજ ચેકિંગ હાથ ધરવામાં આવી રહ્યું છે.
ત્યારે આમોદ પોલીસ દ્વારા જાહેરનામાના ભંગ કરનારા સામે લાલ આંખ કરવામાં આવી છે અને અત્યાર સુધીમાં જાહેરનામાનાં ભંગમાં કલમ 188 મુજબ 29 તેમજ કલમ 135 મુજબ 51 તેમજ માસ્ક વિના ટહેલતા 245 એમ કુલ 325 ગુના આમોદ પોલીસ મથકે નોંધાયા છે. આમ, કલેકટર દ્વારા જાહેર કરાયેલા જાહેરનામા ભંગ કરનારાઓ સામે આમોદ પોલીસે કાયદેસરની કાર્યવાહી હાથ ધરી છે. તેમજ સતત પેટ્રોલિંગ હોવાને કારણે આમોદમા લોકડાઉન સંપૂર્ણ સફળ બનશે તેવા દ્રશ્યો સામે આવી રહ્યા છે.
