અમરેલી જિલ્લામાં વન્ય પ્રાણી સિંહ દીપડાના વિડીયો અવાર નવાર વાયરલ થતાં હોય છે. ત્યારે અમરેલી જિલ્લામાં વધુ એક વિડીયો સોશિયલ મીડિયામાં વાઇરલ થયો છે. આ વખતે સિંહ, દીપડા જેવા પ્રાણીઓનો નહીં પણ એક સાપનો વિડીયો વાયરલ થયો છે. સમગ્ર મામલે પ્રાપ્ત થતી વિગતો અનુસાર અમરેલી જિલ્લાના વડિયાના ઢુંઢીયા પીપળયામાં સાપે જ અન્ય સાપનો શિકાર કર્યો હતો.
સાપે કરેલા લાઈવ શિકારનો અકલ્પનિય વીડિયો હાલ સામે આવ્યો છે. સામાન્ય રીતે સાપ ઉંદર કે દેડકા જેવા પ્રાણીઓનો શીકાર કરતાં હોય છે. પરંતુ આ સાપે અન્ય સાપનો શિકાર કર્યો હતો. વાડી વિસ્તારમાં એક સાપે અન્ય સાપ નો શિકાર કરતો વીડિયો હાલ વાયરલ થયો છે. શિકાર કરતા સાપે પોતાનાથી લંબાઈમાં મોટા સાપનો શિકાર કર્યો હતો. શિકારના લાઈવ દ્રશ્યો મોબાઈલ કેમેરામાં કેદ થયા હતા. વડીયાના ઢુંઢીયા પીપળીયાના વિનુભાઈ રાદડીયાની વાડીમાં સાપના શિકારના લાઈવ દ્રશ્યો સામે આવ્યા છે.
