સોશિયલ મીડિયામાં અવારનવાર વિવિધ વીડિયો વાયરલ થતા હોય છે. ત્યારે હાલમાં એક વીડિયો ખૂબ જ વાયરલ થઈ રહ્યો છે. ફ્લોરિડામાં એક વૃદ્ધ વ્યક્તિ તેના ગલુડિયાને બચાવવા માટે મગરની સામે બાથ ભીડી હતી.
આ આખી ઘટના કેમેરામાં કેદ થઈ હતી. હવે તેનો વીડિયો સોશિયલ મીડિયા પર છવાયો છે. મળતી માહિતી મુજબ, 74 વર્ષના રિચર્ડ વિલબૈન્ક્સ તેમના પાલતુ ગલુડિયાને ફરવા લઈ ગયા હતા. તે જ સમયે તેમણે જોયું કે એક મગરએ જડબા વચ્ચે ગલુડિયાને દબોચી લીધું છે. આ દૃશ્ય જોઈને તેના ધબકારા વધી ગયા. તેમની મદદ કરવા માટે આજુબાજુમાં કોઈ નહોતું. આવી સ્થિતિમાં, રિચર્ડે પોતાનો જીવ જોખમમાં મૂક્યો અને તેના ગલુડિયાને બચાવી લીધું. આ ઘટનાની વીડિયો ક્લિપ હવે સોશિયલ મીડિયા પર શેર કરવામાં આવી રહી છે. તમે જોઈ શકો છો કે કેવી રીતે રિચર્ડ તળાવમાં કૂદીને ત્રણ મહિનાના ગલુડિયાને મગરના મોમાંથી બહાર કાઢે છે.
