સલમાન ખાન ફિલ્મ નો એન્ટ્રીની સિકવલમાં કામ નથી કરવાનો તે બાબતની સ્પષ્ટતા તેને કરી દીધી છે સિકવલ ‘નો એન્ટ્રી મેં એન્ટ્રી‘ શિર્ષક પર બનવાની છે.સહુ કોઇ જાણે છે કે, આ ફિલ્મ બોની કપૂરની છે, અને સલમાન તેનાથી નારાજ છે. બોનીના પુત્ર અર્જુન અને મલાયકાના સંબંધને કારણે સલમાન પિતા-પુત્રથી ક્રોધે ભરાયેલો છે.તેથી તે આ ફિલ્મની સિકવલનો હિસ્સો બનશે કે નહીં તે અંગે સહુ કોઇને દ્વિધા હતી. પરંતુ હવે સ્પષ્ટતા થઇ ગઇ છે કે, સલમાન આ ફિલ્મનો હિસ્સો બનવાનો નથી. સલમાને તેની આગામી ફિલ્મનું નામ રાધે ઇન્ડિયાઝ મોસ્ટ વોન્ટેડ રાખ્યું છે.સલમાને પોતાની ફિલ્મના શિર્ષકમાં જ આ નામ અપનાવીને બોનીને આડકતરી રીતે જણાવી દીધું છે કે, તેઓ કદી ભવિષ્યમાં સાથે કામ કરશે નહીં. બોની અને અનીસને હવે નો એન્ટ્રીની સિકવલના પ્રેમના પાત્ર માટે અન્ય અભિનેતાની શોધ આદરવી પડશે. ફિલ્મની સ્ક્રિપ્ટ લાંબા સમયથી તૈયાર છે,પરંતુ સ્ટારકાસ્ટનો નિર્ણય લેવામાં આવ્યો નથી. જોકે અનિલ કપૂર આ ફિલ્મનો હિસ્સો હશે.
