આ દિવસોમાં ટામેટાંને લઈને ઘણી ચોંકાવનારી ઘટનાઓ સામે આવી રહી છે. 10માની પરીક્ષામાં નાપાસ થયા બાદ એક વ્યક્તિએ અભ્યાસ છોડીને ખેતી કરવાનું શરૂ કર્યું. છેલ્લા એક મહિનામાં આ જ ખેડૂત ટામેટાં વેચીને કરોડપતિ બની ગયો છે. તેલંગાણાના ખેડૂત બી મહિપાલ રેડ્ડીએ ગયા મહિનાની 15 તારીખથી ટામેટાં વેચીને 1.8 કરોડ રૂપિયાની કમાણી કરી છે. ખેડૂતે વિચાર્યું પણ નહીં હોય કે તેને ટામેટાં વેચીને આટલો મોટો જેકપોટ મળશે.
છેલ્લા કેટલાક દિવસોથી બજારમાં ટામેટાના ભાવ આસમાને છે. દેશના વિવિધ રાજ્યોમાં ટામેટાં 100 થી 200 રૂપિયા પ્રતિ કિલો વેચાઈ રહ્યા છે. આવી સ્થિતિમાં ઘણા ખેડૂતો ટામેટાં વેચીને કમાણી કરી રહ્યા છે. આ વખતે આ યાદીમાં તેલંગાણાના એક ખેડૂતનું નામ જોડાયું છે.
રેડ્ડીએ કહ્યું કે તેણે લગભગ 7,000 બોક્સ ટામેટાંનું વેચાણ કર્યું. તેમની પાસે કુલ 100 એકર જમીન છે. છેલ્લા ચાર વર્ષથી તેણે લગભગ 40 એકર જમીનમાં શાકભાજી અને ટામેટાંની ખેતી શરૂ કરી હતી. આ વર્ષે ખેડૂત ટામેટાં વેચીને કરોડપતિ બન્યો. 100 એકર જમીનમાંથી તે બાકીની 60 એકરમાં ચોખાની ખેતી કરે છે.
આ સંદર્ભમાં રેડ્ડીએ એમ પણ કહ્યું, “વર્તમાન સિઝનમાં, અમે આઠ એકર જમીનમાં 15 એપ્રિલે ટામેટાંની ખેતી શરૂ કરી હતી. મારી જમીનમાં ટામેટાં ‘A’ ગ્રેડના છે. મેં ખેતરને જાળીથી ઘેરી લીધું છે. પાક ઘણો સારો થયો છે.” તમને જણાવી દઈએ કે મોંઘવારી વચ્ચે ટામેટાની ચોરીના પણ ઘણા કિસ્સા સામે આવ્યા છે. આંધ્રપ્રદેશમાં ટામેટાના ખેડૂતની હત્યાનો પણ આરોપ છે. ચોરી અટકાવવા શાકભાજીની દુકાનો પર સુરક્ષા વધારી દેવામાં આવી હોવાની તસ્વીરો પણ સામે આવી છે.
