પોતાના બેબાક અને બોલ્ડ નિવેદનોના કારણે ચર્ચામાં રહેતી એક્ટ્રેસ સ્વરા ભાસ્કરે હાલમાં જણાવ્યું કે લોકસભાની ચૂંટણી દરમિયાન ઉમેદવારો માટે પ્રચાર કરવો તેને કેટલો ભારે પડી ગયો છે કારણ કે આમ કરવાથી તેના હાથમાંથી નામી બ્રાન્ડ્સ અને ઈવેન્ટ્સ નીકળી ગયા.પોતાની આગામી ફિલ્મ શીર કોરમાના પોસ્ટર લોન્ચ વખતે સ્વરાને પૂછવામાં આવ્યું હતું કે આખરે સેલિબ્રિટી તેવા મુદ્દાઓ પર બોલવામાં કેમ ખચકાટ અનુભવે છે જે દેશહિતમાં હોય છે.
જેના પર સ્વરાએ પોતાનો પર્સલન અનુભવ શેર કર્યો અને જણાવ્યું કે જે દિવસે તેણે લોકસભાની ચૂંટણી માટે પ્રચાર કર્યો હતો, તે દિવસે 4 બ્રાન્ડ્સ અને 3 ઈવેન્ટથી હાથ ધોવા પડ્યા હતા.સ્વરાએ આગળ કહ્યું કે, હું એમ નથી કહી રહી કે હું મહાન છું પરંતુ રિયલ લાઈફમાં એક સુપરસ્ટાર પર ઘણું દાવ પર લાગેલું હોય છે. સુપરસ્ટારે પણ ઘણી નિંદાનો સામનો કરવો પડે છે. જો કોઈ સુપરસ્ટાર કોઈ મુદ્દા પર પોતાનો મત આપે છે, તો તેના પર પથ્થર ફેંકવામાં આવે છે. ફિલ્મ શીર કોરમાનું ડાયરેક્શન ફરાઝ આરિફ અંસારી કરી રહ્યા છે. આ ફિલ્મ સજાતીય સંબંધો પર આધારિત છે. જેમાં સ્વરા ભાસ્કર સિવાય દિવ્યા દત્તા, શબાના આઝમી અને સુરેખા સીકરી પણ જોવા મળશે.
