સાજિદ નડિયાદવાલાની ફિલ્મ છીછોરે પછી અભિનેતા સુશાંત સિંહ તેની 50 વિશ લિસ્ટને કારણે ચર્ચામાં રહ્યા હતા. આ 50 ઇચ્છાઓમાં એક ડિઝનીલેન્ડ ફરવા જવાનો પણ ઉલ્લેખ હતો અને તેઓએ તેમની ઇચ્છા પૂરી કરી. જો કે સુશાંત હવે ડેન્ગ્યુની લપેટમાં છે.એવું કહેવામાં આવી રહ્યું છે કે સુશાંત છેલ્લા કેટલાક સમયથી બીમાર હતો અને ટેસ્ટ કર્યા બાદ જાણવા મળ્યું છે કે તે ડેન્ગ્યુથી પીડિત છે. માંદગીના કારણે સુશાંતે વર્ક શીડ્યુલમાં ફેરફાર કર્યા છે
આ અઠવાડિયે સુશાંત સિંહે એક કાર્યક્રમમાં ભાગ લેવા અબુધાબી પહોંચવાનું હતું, પરંતુ ડોક્ટરે તેમને ન જવા સલાહ આપી અને તેમને આરામ કરવાનું કહ્યું હતું. આ પહેલા શ્રદ્ધા કપૂર, ધર્મેન્દ્ર જેવા ઘણા સ્ટાર્સ ડેન્ગ્યુના શિકાર બન્યા હતા.આ દિવસોમાં સુશાંત સિંહ રાજપૂત તેની ગર્લફ્રેન્ડ રિયા ચક્રવર્તી સાથેના સંબંધોની અફવાઓને લીધે ચર્ચામાં રહે છે. જોકે સિક્રેટ વેકેશન અને સોશિયલ મીડિયા પરની બન્નેની તસવીરો ગમે તે કહેતી હોય પરંતુ બંનેએ હજી સુધી તેમના સંબંધો વિશે પબ્લિકમાં કાઈ જાહેર કર્યું નથી.
