સુશાંત સિંહ રાજપૂત પોતાના દમ પર બોલિવૂડનો ફેમસ એક્ટર બન્યો છે. એન્જિનિયરિંગમાં કારકીર્દિ છોડ્યા બાદ અભિનયનું પોતાનું સપનું પૂરું કરવા મુંબઇ આવેલા સુશાંત આજકાલ પોતાના ઘણા બધા સપના પૂરા કરવામાં વ્યસ્ત છે.
ખરેખર સુશાંતે 50 વસ્તુઓની ડ્રીમ લીસ્ટ બનાવી છે જે પૂરું કરવું તેના જીવનનું એક સપનું છે.સપ્ટેમ્બરમાં બનેલી આ લીસ્ટમાંથી, તેણે ઘણા સપના પૂરા પણ કર્યા છે, તેના પુરાવા તરીકે તે ઈન્સ્ટાગ્રામ પર ફેન્સ સાથે ફોટા અને વીડિયો શેર કરતો રહે છે. આ વખતે તેણે ડિઝનીલેન્ડ જવાનું પોતાનું સપનું પૂરું કર્યું છે. તેણે તેના વીડિયો ઇન્સ્ટાગ્રામ પર શેર કર્યા છે.આ સાથે તેને મહિલાઓને આત્મરક્ષણ શીખવવું, સ્કાય ડાઇવિંગ કરવું, તીરંદાજી શીખવી, વિમાન ઉડાવાનું શીખવું જેવા ઘણા ડ્રીમ્સ પૂરા કર્યા છે.સુશાંત સિંહ રાજપૂતની વર્કફ્રન્ટ વિશે વાત કરવામાં આવે તો તેની ફિલ્મ ‘ડ્રાઇવ’ ટૂંક સમયમાં રીલિઝ થશે જેમાં તે જેક્લીન ફર્નાન્ડિઝ સાથે જોવા મળશે.
