સોનમ કપૂર આહુજા તેની આગામી ફિલ્મમાં બ્લાઇન્ડની ભૂમિકામાં જોવા મળશે. આ ફિલ્મ ૨૦૧૧માં આવેલી સાઉથ કોરિયાની ક્રાઇમ થ્રિલર ‘બ્લાઇન્ડ’ની હિન્દી રીમેક છે. ‘કહાની’ના ડિરેક્ટર સુજૉય ઘોષ એને બનાવી રહ્યા છે. તેના મુજબ આ ફિલ્મ પૂરી રીતે ફીમેલ હીરો સ્ટોરી રહેશે. સુજૉય ઘોષનું માનવું છે કે આ રોલ માટે સોનમ યોગ્ય છે.
ફિલ્મ વિશે જણાવતાં સુજૉય ઘોષે કહ્યું હતું કે ‘મારો ફ્રેન્ડ શોમ મખીજા ફિલ્મને ડિરેક્ટ કરશે. આ પૂરી રીતે એક ફીમેલ હીરોવાળી સ્ટોરી રહેશે.’ બોલિવૂડની બબલી ગર્લ સોનમ કપૂર પોતાના ફેશનેબલ અંદાજથી સોશિયલ મીડિયામાં છવાયેલી રહે છે. છેલ્લે તે ફિલ્મ ધ ઝોયા ફેક્ટરમાં જોવા મળી હતી. આ ફિલ્મમાં સોનમ સાથે સાઉથનો એક્ટર દલકીર સલમાન પણ જોવા મળ્યો હતો.
આ ફિલ્મ 20 સપ્ટેમ્બરના રોજ રિલીઝ થઈ હતી. આ ફિલ્મ બોક્સ ઓફીસ પર કાઈ ખાસ કમાલ કરી શકી નહોતી. ગયા વર્ષે માર્ચ મહિનામાં સોનમ કપૂરે પોતાના બોયફ્રેન્ડ આનંદ આહુજા સાથે લગ્ન કર્યા હતા.
