ભૂતપૂર્વ મુખ્યમંત્રી અને રાજ્યના કદાવર નેતા શંકરસિંહ વાઘેલાએ ફરી એકવાર દારુબંધીને લઈ રાજ્ય સરકાર પર આકરાપ્રહાર કર્યા છે. નવસારીની મુલાકાતે પહોંચેલા ભૂતપૂર્વ મુખ્યમંત્રીએ ગુજરાતની ભાજપ શાસિત સરકારને વિવિધ મુદ્દે ઘેરી હતી જેમાં દારુબંધી મુદ્દે તેમણે વધુ એકવાર પ્રહાર કર્યા હતા.
શંકરસિંહ વાઘેલાએ પોતાની આગવી શૈલીમાં સરકારને ઘેરતા કહ્યું કે, ઘરમાં બેસીને શાંતિથી દારૂ પીવાનો દમન જવાનું નહીં, સેલવાસ જવાનું નહીં, દીવ જવાનું નહીં. ગુજરાતમાં છૂટથી ગુણવત્તાવાળો દારૂ મળે તો પીવા વાળાને કેવા જલસા પડે. તેમણે કહ્યું કે, ગુજરાતમાં કેમિકલ યુક્ત અને હલકી ગુણવત્તાવાળા દારુના વેચાણને લઈ સરકાર પર પ્રહાર કર્યા હતા.
