બોલીવુડના દિવગંત અભિનેતા સુશાંતસિંહ મોત સાથે સંકળાયેલ ડ્રગ્સ કેસની તપાસમાં લાગેલી નાર્કોટિક્સ કંટ્રોલ બ્યુરો (NCB) ની ટીમે અભિનેત્રી રિયા ચક્રવર્તીના ભાઈ શૌવિક ચક્રવર્તી અને સેમ્યુઅલ મિરાન્ડાની ધરપકડ કરી છે.
મળતી માહિતી મુજબ, શુક્રવારે NCBએ સુશાંતની ગર્લફ્રેન્ડ રિયાના ભાઈ શૌવિક અને દિવંગત અભિનેતાના ઘરના મેનેજર સેમ્યુઅલ મિરાન્ડાના ઘરે દરોડા પાડ્યા હતા. ત્યારબાદ તેની અટકાયત કરીને પૂછપરછ કરવામાં આવી હતી. બીજી તરફ સીબીઆઈએ સુશાંતના મિત્ર અને ડોક્ટરની પણ પૂછપરછ કરી હતી. આ કેસમાં આ છઠ્ઠી ધરપકડ છે.
આ પહેલાં એનસીબી અબ્બાસ, કરણ, જૈદ, બાસિત અને કૈઝાનને ધરપકડ કરી ચૂકી છે. કૈઝાનની શુક્રવારે ધરપકડ કરવામાં આવી. તેમાંથી અબ્બાસ અને કરનના જામીન થઇ ચૂક્યા છે. શોવિકની ધરપકડ બાદ હવે રિયા ચક્રવર્તીની એનસીબી દ્વારા ફરીથી પૂછપરછ કરવામાં આવી શકે છે. મહત્વનું છે કે શોવિકના ઘરે જ્યારે દરોડા પાડવામાં આવ્યાં હતાં ત્યારે સુશાંતની બહેને આ વિશે પ્રતિક્રિયા આપી હતી. તેણે લખ્યું હતું કે NCB સારુ કામ કરી રહી છે.
