સંજય લીલા ભણસાલીએ બોલીવુડમાં રણવીર સિંહ સાથે ઘણી હિટ ફિલ્મો બનાવી છે. બોલીવુડમાં એવું પણ કહેવાય છે કે સંજય લીલા ભણસાલી માટે રણવીર અને દીપિકા બંને લકી ચાર્મ કલાકારો ગણાય છે. ત્યારે આની વચ્ચે મળી રહેલા સમાચારોમાં અભિનેતા રણવીર સિંહે સંજય લીલા ભણસાલીની ફિલ્મ કરવાની ઓફર ઠુકરાવી દીધી છે. હવે જોવાનું રહેશે કે રણવીર સિંહના રિજેક્શન પછી આલિયા ભટ્ટ સાથે કોણ દેખાવાનું છે. ફિલ્મ ગંગાબાઈમાં આલિયા ભટ્ટ લીડ રોલમાં જોવા મળશે.
આ ફિલ્મમાં કેમિયો કરવા માટે મેકર્સ દ્વારા એક લીડ એક્ટરની શોધ ચાલું છે. આ રોલ રણવીર સિંહને ઑફર કરવામાં આવ્યો હતો પણ રણવીરે આ પાત્ર ભજવવાની ના પાડી દીધી છે.આલિયા ભટ્ટ સ્ટારર ગંગૂબાઈ ફિલ્મ એસ હુસેનની બુક માફિયા ક્વીન્સ ઑફ મુંબઇ પર આધારિત છે. 60 દશક દર્શાવનારી આ ફિલ્મમાં આલિયા ભટ્ટ ગંગૂબાઈ કોઠાવાળાની ભૂમિકામાં જોવા મળશે. ગંગૂબાઈને તે સમયની સૌથી ચર્ચિત અંડરવર્લ્ડની મહિલાઓમાંની એક માનવામાં આવતી હતી. જણાવીએ કે રણવીર સિંહ આ પહેલા પણ સંજય લીલા ભણસાલીની ફિલ્મ ગોલિયોં કી રાસલીલા રામ-લીલા, બાજીરાવ મસ્તાની અને પદ્માવત જેવી ફિલ્મોમાં જોવા મળ્યા છે. આ બધી ફિલ્મો બ્લૉકબસ્ટર પૂરવાર થઈ હતી.
