રાજ્યમાં કેટલાક જિલ્લાઓમાં છેલ્લા કેટલાક દિવસોથી મેઘરાજાનું તાંડવ જોવા મળી રહ્યું છે. ભારે વરસાદના કારણે સ્થિતિ એવી છે કે મોટાભાગના જળાશયોમાં પાણીની સારી આવક થવા લાગી છે.
ત્યારે સતત ત્રણ દિવસથી વરસી રહેલા હળવા-ભારે ઝાપટાંના કારણે રાજકોટ જિલ્લાના મોટાભાગના જળાશયો કે જે વસ્તીને પીવાનું પાણી પુરુ પાડે છે અને સિંચાઇ માટે પણ મહત્ત્વના છે એવા ડેમ ઓવરફ્લો થયા છે.
તેવામાં રાજકોટ જિલ્લાના મોતીસર ડેમ પણ ઓવરફ્લો થયો છે. જેના કારણે મોતીસર ડેમના 14 દરવાજા ખોલવામાં આવ્યા છે. તંત્ર દ્વારા મોતીસર ડેમના દરવાજા ખોલવામાં આવ્યા બાદ સાવચેતીન ભાગરુપે પાટિયાળી, હડમતાળા, કોલીથડ ગામમાં એલર્ટ આપવામાં આવ્યું છે.
#WATCH 14 gates of Motisar Dam in Rajkot District opened to release water, following heavy rainfall in the area#Gujarat pic.twitter.com/NmlCN4TyoO
— ANI (@ANI) August 24, 2020
એવી પણ વિગત સામે આવી છે કે તંત્રએ સાવચેતીના ભાગરુપે નીચાણવાળા વિસ્તારોમાં લોકોનું સ્થળાંતર પણ હાથ ધર્યુ છે. બીજીબાજુ ડેમમાં પાણીની સારી આવક થતાં ખેડૂતોમાં પણ ખુશીનું મોજુ જોવા મળી રહ્યુ છે તો રાજકોટવાસીઓમાં પણ ખુશીનું મોજુ ફરી વળ્યુ છે. મહત્વનું છે કે, વરસાદના પગલે રાજકોટમાં ગોંડલ નજીકની વાસાવડી સહિતની નદીઓમાં પણ જાણે ઘોડાપુર ઉમટ્યુ હોય તેવી સ્થિતિ સર્જાઈ છે.
