મલ્ટિસ્ટારર ફિલ્મ ‘હાઉસફુલ 4’ આ વર્ષની બિગ બજેટ ફિલ્મોમાંની એક ફિલ્મ છે. આ ફિલ્મ ‘હાઉસફુલ’ સિરીઝની ચોથી ફિલ્મ છે. ફિલ્મ સાજીદ નડિયાદવાલાના પ્રોડક્શન હાઉસ હેઠળ પ્રોડ્યૂસ થઇ રહી છે. સૂત્રોના જણાવ્યા મુજબ આ ફિલ્મમાં એક કવ્વાલી સોન્ગ પણ હશે જેનું શૂટિંગ થઇ ગયું છે. આ કવ્વાલીમાં અક્ષય કુમાર અને રાણા દગ્ગુબાટી બાકીની સ્ટારકાસ્ટ સાથે દેખાશે. આ કવ્વાલી હીરો અને વિલનનો ફેસ ઓફ છે જેમાં બન્ને વચ્ચેનું ફની કન્વર્ઝેશન છે….આ કવ્વાલી સોન્ગનું શૂટિંગ મુંબઈના સ્ટુડિયોમાં થયું હતું. ફિલ્મની સ્ટારકાસ્ટ સાથે 200 બેકઅપ ડાન્સર્સ હાજર હતા. ‘હાઉસફુલ 4’ ફિલ્મમાં બે સમયગાળાની સ્ટોરી છે જેમાં પુનર્જન્મની વાત પણ છે. આ સોન્ગ વર્તમાન સમયમાં રિલીઝ થયું છે. ફરહાદ સામજીએ આ કવ્વાલી લખી છે.
ફિલ્મની સ્ટારકાસ્ટમાં અક્ષય કુમાર, રાણા દગ્ગુબાટી, રિતેશ દેશમુખ, બોબી દેઓલ, પૂજા હેગડે, કૃતિ ખરબંદા, જોની લીવર અને ચંકી પાંડે સામેલ છે. ઉપરાંત ફિલ્મમાં નવાઝુદ્દીન સિદ્દીકીનો પણ સ્પેશિયલ રોલ છે. ફરહાદ સામજી આ ફિલ્મના ડિરેક્ટર છે. આ ફિલ્મ આ વર્ષે દિવાળી પર રિલીઝ થઇ શકે છે
