ફિલ્મ અભિનેતા પુલકિત સમ્રાટ તેની આગામી ફિલ્મના રોલ માટે સખત મહેનત કરી રહ્યો છે. તે દિગ્દર્શક બિજોય નાંબિયારની ફિલ્મ તૈશમાં જોવા મળશે. પુલકિત સમ્રાટે શનિવારે સોશિયલ મીડિયા પર પોતાની એક તસવીર શેર કરી હતી. સોશિયલ મીડિયા પર શેર કરેલા ફોટામાં પુલકિત સમ્રાટ પોતાના એબ્સ ફ્લોન્ટ કરતો જોવા મળી રહ્યો છે. બિજોય નાંબિયારની આગામી રોમાંચક ફિલ્મ તૈશમાં પુલકિત સમ્રાટ તેમજ અમિત સાધ, હર્ષવર્ધન રાણે, સૌરભ સચદેવા અને સલોની બત્રા છે.
ફિલ્મના પાત્રોએ હાલમાં જ ફિલ્મનું શૂટિંગ લંડનમાં પૂરું કર્યું છે અને હવે તેઓ ટૂંક સમયમાં મુંબઈમાં શૂટિંગ શરૂ કરવાના છે. પુલકિત સમ્રાટ ‘ફુકરે’, ‘સનમ રે’, ‘વીરે દી વેડિંગ’, ‘જય હો’ સહિતની ઘણી ફિલ્મોમાં જોવા મળ્યો છે. આ સિવાય તે ડિરેક્ટર અનીશ બઝમીની ફિલ્મ પાગલપંતીમાં પણ જોવા મળશે. આ ફિલ્મમાં તે જ્હોન અબ્રાહમ, અનિલ કપૂર, ઇલિયાના ડિક્રુઝ અને અરશદ વારસી સાથે જોવા મળશે.
