લગ્નની ફર્સ્ટ એનિવર્સરીના થોડા દિવસો પહેલાં જ એક્ટ્રેસ પ્રિયંકા ચોપરા જોનસે પોતાના પતિ અને પૉપ સ્ટાર નિક જોનસને એક સ્પેશિયલ ગિફ્ટ આપી છે. પ્રિયંકાએ ફર્સ્ટ એનિવર્સરીની ગિફ્ટ તરીકે નિકને જર્મન શેફર્ડ બ્રીડનું ક્યૂટ પપી ગિફ્ટ કર્યુ છે.નિકે ઇન્સ્ટાગ્રામ પર એક વીડિયો પોસ્ટ કર્યો, જેમાં તે આ પપીને પહેલીવાર મળ્યો. આ સાથે જ નિકે પોતાના પરિવારના નવા સભ્ય જિનો ધ જર્મનનો પરિચય પોતાના ફેન્સ સાથે પણ કરાવ્યો.નિકે તેની અન્ય તસવીરો અને વીડિયો પોતાના ઇન્સ્ટાગ્રામ એકાઉન્ટ પર શેર કરી છે. સાથે જ પ્રિયંકાએ પણ આ વીડિયોને પોતાના ઇન્સ્ટાગ્રામ એકાઉન્ટ પર શેર કર્યો છે.
https://www.instagram.com/p/B5WDDuNH0Bs/?utm_source=ig_web_button_share_sheet
આ સાથે જ તેણે જિનો અને નિકની એક તસવીર પણ શેર કરી છે.મજેદાર વાત એ છે કે ઇનસ્ટાગ્રામ પર જિનોનું પોતાનું એક એકાઉન્ટ પણ છે. જેની પહેલી પોસ્ટમાં જિનો પૉપ સ્ટાર નિક સાથે નજરે આવી રહ્યું છે. મહત્વનું છે કે નિક અને પ્રિયંકા પેટ્સને ખૂબ જ પ્રેમ કરે છે અને જીનોને તે પોતાનો દિકરો માને છે. તેની પહેલાં પણ પ્રિયંકા પાસે ડાયના નામની એક પપી છે, તે તેને ખૂબ વ્હાલી છે. અન્ય એક પોસ્ટમાં પ્રિયંકાએ સ્પષ્ટતા કરી છે કે ભલે જીનો તેમના જીવનમાં આવ્યો છે પરંતુ ડાયનાને હજુ પણ તે વધુ પ્રેમ કરે છે.જણાવી દઇએ કે પ્રિયંકા અને નિકે ગત વર્ષે ડિસેમ્બરમાં ભારતમાં ધામધૂમથી લગ્ન કર્યા હતા. જોધપુરમાં શાહી ઉમેદ ભવન પેલેસમાં ત્રણ દિવસ સુધી ભવ્ય વિવાહ સમારોહ ચાલ્યો હતો. જ્યાં બે અલગ-અલગ કાર્યક્રમોમાં પ્રિયંકા અને નિકે હિન્દુ અને ખ્રિસ્તી રિતી-રિવાજથી લગ્ન કર્યા હતા.
