Places To Visit In Kerala: કેરળ એક એવું સ્થળ છે જે ક્યારેય પણ પોતાની સુંદરતાથી લોકોને નિરાશ કરતું નથી. અહીંના અસંખ્ય નજારા લોકોને દિવાના બનાવી દે છે. કેરળ પોતાના મોટા-મોટા ચા અને કોફીના બગીચાઓથી ભરેલા આકર્ષક હિલ સ્ટેશનોથી ઘેરાયેલું છે, જેને જોવા માટે માત્ર ભારતમાંથી જ નહીં પણ વિદેશમાંથી પણ પ્રવાસીઓ અહીં જરુર આવે છે. જો તમે કેરળ તમારા પરિવાર કે બાળકો સાથે જવાનો પ્લાન બનાવી રહ્યા છો, તો આ આર્ટિકલ ખાસ તમારા માટે છે. જ્યાં તમારે જરુર જવું જોઈએ.
Trivandrum Zoo
કેરળ ગયા અને ત્રિવેન્દ્રમ ન જોયું, તો શું જોયું? કેરળની રાજધાની ત્રિવેન્દ્રમમાં આવેલું આ પ્રાણી સંગ્રહાલય 55 એકરમાં ફેલાયેલું છે. આ પ્રાણી સંગ્રહાલયમાં તમને વિશ્વભરના 82 અલગ-અલગ પ્રજાતિઓના વન્યજીવો જોવા મળશે. બાળકોને આવી જગ્યાઓ પર ફરવું ગમે છે. સ્વદેશી પ્રજાતિઓમાં એશિયાઈ સિંહ, સફેદ વાઘ, એશિયાઈ હાથી અને ચિત્તાનો સમાવેશ થાય છે. આ સિવાય જો તમને સાપથી ડર નથી લાગતો, તો અહીં તમે ‘ધ રેપ્ટાઈલ હાઉસ’ જઈ શકો છો. આ એક સાપનું ફાર્મ છે.
Parassinikkadavu Snake Park
જો તમે કેરળના કન્નુર જિલ્લામાં ફરવા જઈ રહ્યા છો, તો બાળકોને આ પાર્કમાં લઈને જઈ શકો છો. આ કન્નુર જિલ્લાનું સૌથી ફેમસ ટુરિસ્ટ સ્પોટ છે. આ પાર્ક માત્ર કેરળમાં જ નહીં પરંતુ સમગ્ર દેશમાં પ્રખ્યાત છે. આ પાર્કની સ્થાપનાનો હેતુ એવા સાપોને બચાવવાનો છે જે લુપ્ત થતાં જઈ રહ્યા છે.
અહીં તમને કિંગ કોબ્રા, સ્પેક્ટેકલ્સ કોબ્રા અને પાયથોન જેવા ઝેરી અને બિન-ઝેરી સાપ જોવા મળશે. જો બાળકો સાપથી ડરતા નથી, તો તમે તેમને અહીં લઈ શકો છો.
Abhayaranyam Zoo
લીલીછમ હરિયાળી, ઊંચા વૃક્ષો અને ગીચ ઝાડીઓ આ પ્રાણી સંગ્રહાલયને વધુ સુંદર બનાવે છે. આ જગ્યાને પતંગિયાઓ માટે પણ ઓળખવામાં આવે છે. જો તમે બાળકોને સાપવાળી જગ્યાએ લઈ જવા માંગતા નથી, તો અભયારણ્ય પ્રાણીસંગ્રહાલય લઈને જાઓ.
અહીં ગાર્ડનમાં 8 વિવિધ પ્રકારના પતંગિયાઓ જોવા મળશે. પતંગિયાઓને જોવા માટે ગાર્ડનમાં અલગ બટરફ્લાય ગાર્ડન બનાવવામાં આવ્યું છે. આ ઉપરાંત વાંસના વૃક્ષોથી બનેલો એક હરણ પાર્ક પણ છે. બાળકોને હાથીઓ પસંદ હોય છે, તમને અહીં 2થી 50 વર્ષની ઉંમરના હાથીઓ પણ જોવા મળશે.
The post Places To Visit In Kerala: બાળકો માટે પરફેક્ટ છે કેરળની આ જગ્યાઓ, ઉનાળાના વેકેશનમાં બનાવો પ્લાન appeared first on The Squirrel.
