રામેશ્વરમ કાફે બ્લાસ્ટ કેસની તપાસ કરી રહેલી નેશનલ ઇન્વેસ્ટિગેશન એજન્સી (NIA)ને મોટી સફળતા મળી છે. NIAએ શુક્રવારે પશ્ચિમ બંગાળની રાજધાની કોલકાતા પાસે બે લોકોની ધરપકડ કરી હતી. કાફેમાં IED લગાવનાર આરોપીઓની ઓળખ મુસાવીર હુસૈન શાજીબ અને અબ્દુલ માથિન તાહા તરીકે કરવામાં આવી છે, જે બ્લાસ્ટના પ્લાનિંગ અને તેને અંજામ આપવા પાછળના માસ્ટરમાઇન્ડ હતા.
NIAએ તાજેતરમાં જ મુસાવીર હુસૈન શાજીબની મુખ્ય આરોપી તરીકે અને અબ્દુલ મતીન તાહાને બેંગલુરુમાં એક કેફેમાં 1 માર્ચના વિસ્ફોટના સહ-ષડયંત્રકાર તરીકે ઓળખી કાઢ્યા છે. NIAના પ્રવક્તાએ જણાવ્યું હતું કે ફરાર આરોપીઓને શોધી કાઢવા અને ધરપકડ કરવાના પ્રયાસોના ભાગરૂપે NIAએ કર્ણાટક, તમિલનાડુ અને ઉત્તર પ્રદેશમાં 18 સ્થળોએ સર્ચ હાથ ધર્યું હતું.
રામેશ્વરમ કાફે બ્લાસ્ટ કેસમાં, NIA એ IED નો ઉપયોગ કરીને બ્લાસ્ટ કરાવવાના આરોપીની ઓળખ મુસાવીર હુસૈન શાજીબ તરીકે અને સહ કાવતરાખોર અબ્દુલ મતીન તાહા તરીકે કરી હતી. બંને કર્ણાટકના શિવમોગા જિલ્લાના રહેવાસી છે. ઘટનાને અંજામ આપ્યા બાદ તે બંગાળ ગયો હતો.
આ પહેલા. મુઝમ્મિલ શરીફ, ચિક્કામગાલુરુના ખાલસા નિવાસી, જેમણે મુખ્ય આરોપીઓને લોજિસ્ટિક્સ સપોર્ટ પૂરો પાડ્યો હતો, તેની 26 માર્ચે ધરપકડ કરવામાં આવી હતી. શરીફની પોલીસ કસ્ટડીમાં પૂછપરછ કરવામાં આવી હતી. 29 માર્ચના રોજ, એજન્સીએ દરેક ફરાર આરોપીની ધરપકડ કરવા માટેની માહિતી માટે 10 લાખ રૂપિયાના ઈનામની જાહેરાત કરી હતી.
