જો તમે કંઇક કરવાનો દ્રઢ સંકલ્પ કરી લો તો કશું જ અશક્ય નથી! કેરળમાં એક 18 વર્ષીય ઓટોમોબાઈલ એન્જિનિયરે મારુતિ 800 કારને મિની રોલ્સ રોયસમાં બદલી નાખી. આ કરવામાં તેને માત્ર 45 હજાર રૂપિયાનો ખર્ચ થયો હતો. આ છોકરાની સ્ટોરી યુટ્યુબ પર પણ શેર કરવામાં આવી છે. જુઓ…
‘ટ્રિક્સ ટ્યૂબ’ ચેનલ દ્વારા અપલોડ કરવામાં આવેલા યુટ્યુબ વિડિયોમાં જોઈ શકાય છે કે 18 વર્ષના છોકરા હદીફે મારુતિ 800 કારને કરોડોની કિંમતની રોલ્સ રોયસમાં ફેરવી છે. ભારતમાં રોલ્સ રોયસ કારની કિંમત 6 કરોડ રૂપિયાથી શરૂ થાય છે. યુટ્યુબ ચેનલ સાથે વાત કરતી વખતે હદીફ કહે છે કે તેને કારનો શોખ છે અને તેને લક્ઝુરિયસ કારની ડુપ્લીકેટ બનાવવી ગમે છે. તેણે એ પણ ખુલાસો કર્યો કે તેણે પોતાની કાર માટે રોલ્સ રોયસથી પ્રેરિત લોગો બનાવ્યો હતો.
આ વીડિયોને યુટ્યુબ પર 3 લાખથી વધુ વખત જોવામાં આવ્યો છે. આ વ્યક્તિએ આ પ્રોજેક્ટ પર ઘણા મહિનાઓ ગાળ્યા અને તેણે મારુતિ 800ને નવી બોડી કિટ સાથે સંપૂર્ણપણે રિડિઝાઈન કરી છે. તેણે કારના ઈન્ટિરિયરમાં પણ ફેરફાર કર્યા છે. કારના આગળના ભાગને રોલ્સ રોયસ કાર જેવો ચોક્કસ આકાર આપવામાં આવ્યો છે. તે રોલ્સ-રોયસ-પ્રેરિત ગ્રિલ અને હેડલાઇટ્સ સાથે બોલ્ડ, ભારે ડિઝાઇન સાથે નવી પેનલને સ્પોર્ટ કરે છે.
નોંધનીય છે કે આ અગાઉ આઇકોનિક સાયન્સ ફિક્શન હોલિવૂડ ફિલ્મના એલિયન રોબોટ જેવા BMW કારને ‘ટ્રાન્સફોર્મર’માં રૂપાંતરિત કરવાનો વીડિયો પણ વાયરલ થયો હતો. આ વાત પ્રખ્યાત ઉદ્યોગપતિ આનંદ મહિન્દ્રાએ પણ શેર કરી હતી. મહિન્દ્રા ગ્રુપના ચેરમેને જણાવ્યું હતું કે આ મોડિફાઇડ વાહન 2016માં તુર્કીની લેટવિઝન નામની કંપનીએ બનાવ્યું હતું.
