ગુજરાતી ફિલ્મ છેલ્લો દિવસથી ગુજરાતીઓના દિલમાં છવાયેલા અભિનેતા મલ્હાર ઠાકરને હવે ગુજરાતીઓના જ રોષનો સામનો કરવો પડ્યો છે…
અભિનેતાએ થોડા દિવસ અગાઉ પવિત્ર તુલસીના છોડ અંગે કવિતા કહેતો એક વિડિયો સોશિયલ મીડિયામાં પોસ્ટ કર્યો હતો..જોકે મલ્હારને લોકોને ધર્મનું જ્ઞાન પીરસવુ ભારે પડ્યુ હતું અને ગુજરાતી અભિનેતા પર લોકોએ સોશિયલ મીડિયા પર રોષ વ્યક્ત કરી ટ્રોલ કર્યો હતો.
ગુજરાતી એક્ટર મલ્હાર ઠાકરે 7 જૂન 2020ના રોજ સાંજે 5.24 વાગ્યે એક વિડીયો પોસ્ટ કર્યો હતો. જેમાં તેણે એક કવિતા કહી હતી કે બળેલી રોટલીને ઘી ન મળે તમે સમજો, બળેલી રોટલીને ઘી ના મળે તમે સમજો, તુલસીને પાણી ચઢાવો એમ ઈશ્વર ના મળે તમે સમજો..
આ વીડિયો પર યુઝર્સે મલ્હાર ઠાકરને આડેહાથ લીધો હતો અને તેને ટ્રોલ કરી દીધો..જોતજોતામાં ટ્વિટર પર #તમેસમજો હેશટેગ જબરદસ્ત ઉપડવા લાગ્યુ અને મલ્હાર ઠાકર સામે યુજર્સોએ અવનવી કમેન્ટ પાસ કરી પોતાનો રોષ વ્યક્ત કર્યો…
— Malhar Thakar (@MalharThakar) June 7, 2020
