બોલીવુડના બાદશાહ અને કિંગ ઑફ રોમાન્સ જેવા ખિતાબોથી મશહૂર શાહરૂખ ખાને ટ્વિટર પર એક મોટો રેકોર્ડ બનાવ્યો છે. કિંગ ખાન સૌથી વધુ ફૉલોઅર્સવાળા ભારતીય એક્ટર બની ગયા છે. તેમણે આ રેસમાં અમિતાભ બચ્ચન, અક્ષય કુમાર અને સલમાન ખાન જેવા લોકપ્રિય સિતારાઓને પાછળ છોડ્યા છે.શાહરૂખના ટ્વિટર પર 39 મિલિયન એટલે કે 3 કરોડ 90 લાખ ફૉલોઅર્સ થઈ ગયા છે. ટ્વિટર પર કિંગ ખાનથી આગળ કોઈ ભારતીય અભિનેતા નથી.
ફેન્સ અને ફેન્સ ક્લબ કિંગ ખાનની આ ઉપલબ્ધિનો જશ્ન મનાવી રહ્યા છે. ટ્વિટર પર હાલ #SRK39Million ટ્રેન્ડ કરી રહ્યુ છે. શાહરૂખ ખાન સોશિયલ મીડિયા પર આવનારા સૌથી પહેલા સુપરસ્ટાર્સમાંથી એક છે. શાહરૂખ ખાન ઘણા સક્રિય રહે છે અને ઘણીવાર ચાહકો સાથે ટ્વિટરના માધ્યમથી સંવાદ કરે છે.ટ્વીટ કરવાના મામલામાં શાહરૂખ ખાનને કોઈ ચેલેનજ્જ કરી શકે તો તે છે અમિતાભ બચ્ચન.. જો બીજા સેલિબ્રિટીઝની વાત કરીએ તો સૌથી વધુ ફૉલોઅર્સ અમિતાભ બચ્ચન અને સલમાન ખાનના છે. અમિતાભ બચ્ચનને 38.8 મિલિયન લોકો ફૉલો કરે છે જ્યારે સલમાન ખાનને 38.30 મિલિયન લોકો ફૉલો કરે છે. જ્યારે અક્ષય કુમારને 32.3 મિલિયન ફૉલોઅર્સ છે આમિર ખાનના ફૉલોઅર્સની સંખ્યા હજી સુધી 25.2 મિલિયન જ છે.
