પીએમ મોદીના પ્રવાસ દરમિયાન રશિયાએ યુક્રેન પર મિસાઈલથી હુમલો કર્યો છે. આ હુમલામાં લગભગ 40 લોકોના મોત થયા હોવાના અહેવાલ છે. હુમલા પછી, યુક્રેનના રાષ્ટ્રપતિ ઝેલેન્સકીએ તેમના સોશિયલ મીડિયા પ્લેટફોર્મ પર આ ઘટના વિશે લખ્યું. ઝેલેન્સકીએ લખ્યું છે કે એવા સમયે જ્યારે રશિયા યુક્રેન પર સતત હુમલો કરી રહ્યું છે, તે ખૂબ જ દુઃખદ છે કે વિશ્વના સૌથી મોટા લોકતંત્રના નેતાએ ત્યાં જઈને વિશ્વના સૌથી મોટા ગુનેગારને ગળે લગાડવું જોઈએ. શાંતિ માટે થઈ રહેલા પ્રયાસો માટે આ એક વિનાશક ઘટના છે.
પીએમ મોદી બે દિવસની મુલાકાતે છે
PM મોદી ભારત અને રશિયા વચ્ચે 22મી વાર્ષિક સમિટમાં ભાગ લેવા રશિયા પહોંચ્યા છે. રશિયા તરફથી પીએમ મોદીને ગાર્ડ ઓફ ઓનર આપવામાં આવ્યું હતું. રાષ્ટ્રપતિ પુતિને પીએમને તેમના નિવાસસ્થાને રાત્રિભોજન માટે આમંત્રણ આપ્યું, જ્યાં બંને નેતાઓ વચ્ચે અનૌપચારિક વાતચીત થઈ. જ્યારે પુતિને પીએમ મોદીને લોકસભા ચૂંટણીમાં જીત નોંધાવવા બદલ અભિનંદન આપ્યા હતા, તો મોદીએ રશિયાને વાતચીત માટે આમંત્રણ આપવા બદલ રાષ્ટ્રપતિનો આભાર માન્યો હતો.
