ભારતમાં એવી ઘણી જગ્યાઓ છે, જ્યાં લોકો માને છે કે તે જગ્યા પર ભૂતનો વાસ હોય છે. ભૂત વાળી જગ્યાઓ વિશે જાણીને લોકો એ જગ્યા પર જતા ડરે છે. ઘણી અજીબોગરીબ જગ્યાઓ પર પણ ભૂત વિશે ચર્ચાઓ થાય છે. કેટલાક લોકો તે જગ્યાએ જાય છે અને તેનું સત્ય જાણવાનો પ્રયાસ કરે છે. ભારતમાં ડરામણા સ્થળોની વિશાળ યાદી છે, પરંતુ કેટલાક રેલવે સ્ટેશનોએ પણ આ યાદીમાં સ્થાન મેળવ્યું છે, જેમાં બેગુનકોદર રેલવે સ્ટેશન ટોચ પર છે.
હાલમાં બેગુનકોદર રેલ્વે સ્ટેશન રાજસ્થાનના ભાનગઢ કિલ્લા અને ઝારખંડના સિમુતલામાં દુલારી ભવન સાથે ભારતના સૌથી ભૂતિયા સ્થળોમાંનું એક માનવામાં આવે છે. જો તમે આ ડરામણા રેલ્વે સ્ટેશન માટે ટ્રેન પકડવા માટે તૈયાર છો તો આગળ વાંચવું અત્યંત જરૂરી છે. સંથાલની રાણી લખન કુમારીના પ્રયાસોના પરિણામે, 1960ના દાયકાની શરૂઆતમાં પશ્ચિમ બંગાળના પુરુલિયા જિલ્લામાં (રાંચી રેલ વિભાગના કોટશિલા-મુરી વિભાગ)માં બેગુનકોદર રેલ્વે સ્ટેશનનું નિર્માણ કરવામાં આવ્યું હતું. આવા નિર્જન વિસ્તારમાં રેલવે સ્ટેશનના નિર્માણને સ્થાનિક લોકોએ આવકાર્યું હતું. 1967 સુધી તે ભીડથી ગુંજી રહ્યું હતું, પરંતુ તે વર્ષે, તત્કાલિન સ્ટેશન માસ્ટરે ભૂત જોયા હોવાનો દાવો કર્યો અને સ્ટેશનને છોડી દેવામાં આવ્યું.
બેગુનકોદર રેલ્વે સ્ટેશનની ડરામણી બાજુ
ઘણી માન્યતાઓ અનુસાર, સ્ટેશન માસ્તરે સફેદ સાડીમાં સજ્જ એક મહિલાનો પડછાયો રેલવેના પાટા પર દોડતો જોયો. સ્થાનિક લોકોનું માનવું હતું કે આ ભૂત કોઈ છોકરીનું છે જેણે ટ્રેક પર આત્મહત્યા કરી લીધી હતી. ધીમે ધીમે વધુ લોકોએ મહિલાના આત્માને જોયાની જાણ કરી અને વહીવટીતંત્રને પગલાં લેવા વિનંતી કરી. તેમ છતાં સત્તાધીશોએ કોઈ કાર્યવાહી કરી ન હતી. તદુપરાંત, સ્ટેશન માસ્તર અને તેમના પરિવારનું રહસ્યમય સંજોગોમાં મૃત્યુ થયું હતું, જેના કારણે વધુ અરાજકતા અને અફવાઓ ફેલાઈ હતી.
જેના કારણે સ્ટેશન પર ટ્રેનો રોકાઈ ગઈ અને કર્મચારીઓ પીછેહઠ કરવા લાગ્યા. અવારનવાર પ્રયાસો બાદ પણ અધિકારીઓ નવા કર્મચારીઓની નિમણૂક કરી શક્યા નહોતા, ત્યારે બેગુનકોદર રેલ્વે સ્ટેશનને આ કારણે બંધ કરવું પડ્યું હતું. તે 2009 માં ફરી શરૂ થયું અને ભૂતપૂર્વ રેલ્વે મંત્રી મમતા બેનર્જીએ તેને 42 વર્ષ પછી ફરીથી ખોલ્યું, પરંતુ અહીં કોઈ રેલ્વે સ્ટાફ પોસ્ટ કરવામાં આવ્યો ન હતો. આટલા વર્ષો પછી પણ ભૂતનો ડર રહે છે અને લોકો સાંજે 5 વાગ્યા પછી રોકાવાનું ટાળે છે, જેના કારણે આ ભૂતિયા રેલવે સ્ટેશન પર ‘ભૂત પ્રવાસ’ પણ શરૂ થઈ ગયું છે. 2017 માં, તર્કવાદીઓના જૂથે ભૂતની વાર્તાને ખોટી સાબિત કરવા માટે બેગુનકોદર રેલ્વે સ્ટેશન પર એક રાત માટે ધામા નાખ્યા, પરંતુ તેમને કંઈ લાગ્યું નહીં.
