મધ્યપ્રદેશ બાદ હવે ગુજરાતના ભાજપ કાર્યાલયમાં આગ લાગવાના સમાચાર સામે આવ્યા છે. મળતી માહિતી મુજબ, સોમવારે સવારે 10.30 વાગ્યાની આસપાસ ભરૂચના ભાજપ કાર્યાલયમાં આગ લાગી હતી. આ ઓફિસ કસક સર્કલ વિસ્તાર પાસેના કોમ્પ્લેક્સના બીજા માળે આવેલી છે. આગ લાગવાનું કારણ શોર્ટ સર્કિટ હોવાનું કહેવાય છે. હજુ સુધી કોઈ જાનહાનિ કે ઈજાના અહેવાલ નથી. આગની જાણ થતાં જ ફાયર વિભાગના અધિકારીઓ ફાયર એન્જિન સાથે તાત્કાલિક ઘટના સ્થળે પહોંચી આગને કાબુમાં લીધી હતી. ભરૂચ નગરપાલિકાના ફાયરમેન શૈલેષ સાસિયાએ જણાવ્યું હતું કે, “સોમવારે સવારે 10.30 વાગ્યે, શહેરના કસક સર્કલ વિસ્તાર નજીક એક કોમ્પ્લેક્સના બીજા માળે આવેલી બીજેપી કાર્યાલયમાં આગની જાણ થઈ હતી.”
ભાજપ કાર્યાલયમાં લાગેલી આગ એટલી ગંભીર હતી કે ઘણી વસ્તુઓ બળીને રાખ થઈ ગઈ હતી. ઓફિસમાં લગાવેલા ACને પણ તેની અસર થઈ હતી. ન્યૂઝ એજન્સી એએનઆઈએ તેનો વીડિયો પણ જાહેર કર્યો છે જેમાં ઘણા વાયર બળેલા જોવા મળી રહ્યા છે.
અગાઉ, નરેન્દ્ર મોદી સતત ત્રીજી વખત વડા પ્રધાન તરીકે શપથ લીધાની ઉજવણીમાં ભારતીય જનતા પાર્ટી (BJP) કાર્યકર્તાઓ દ્વારા ફટાકડા પ્રદર્શન દરમિયાન રવિવારે રાત્રે ઇન્દોરમાં ચાર માળની પાર્ટી કાર્યાલયની છતમાં આગ લાગી હતી. ઘટનાના પ્રત્યક્ષદર્શીઓએ આ માહિતી આપી હતી. તેમણે કહ્યું કે શહેરના જવરા કમ્પાઉન્ડ વિસ્તારમાં ભાજપના મુખ્ય કાર્યાલયની છતમાં પાર્ટીના કાર્યકરો દ્વારા ફટાકડાના પ્રદર્શન દરમિયાન આગ લાગી હતી.
#WATCH | Gujarat: A fire broke out at the BJP office in Bharuch due to a short circuit. No casualties reported. pic.twitter.com/fFzOP37cXn
— ANI (@ANI) June 10, 2024
ભાજપના મીડિયા વિભાગના એક અધિકારીએ જણાવ્યું કે ફટાકડા ફોડવા દરમિયાન પાર્ટી કાર્યાલયની છત પર પડેલા પ્લાયવુડના ટુકડા, જૂના સોફા, ફર્નિચર અને અન્ય બિનઉપયોગી વસ્તુઓમાં ફટાકડાના કારણે આગ લાગી હતી. તેમણે કહ્યું કે ફાયર વિભાગની મદદથી આગને કાબૂમાં લેવામાં આવી છે અને આ ઘટનામાં કોઈને ઈજા થઈ નથી.
એજન્સી તરફથી ઇનપુટ
