રાજકોટના ગોંડલના બિલીયાળા પાટિયા પાસે શનિવારેવહેલી સવારે કાર અને ટ્રક વચ્ચે ગમખ્વાર અકસ્માત સર્જાયો હતો. આ અકસ્માતમાં ત્રણ લોકોનાં કમકમાટીભર્યા મોત નિપજ્યા હતા. અકસ્માત બાદ બંને વાહનોમાં આગ લાગતા વાહનો બળીને ખાખ થયા હતા.
આગ લાગતા વાહનોમાં ભયંકર વિસ્ફોટ થયો હતો જેનો અવાજ સાંભળી અફરાતફરી મચી જવા પામી હતી. મળતી માહિતી મુજબ, રાજકોટના ગોંડલના બીલીયાળા પાટીયા પાસે ટ્રક અને કાર વચ્ચે અકસ્માત થયો હતો અને બાદમાં બંન્ને વાહનોમાં આગ લાગી હતી.
આગ એટલી ભયાનક હતી કે બંન્ને વાહન બળીને ખાખ થઇ ગયા હતા. કપાસ ભરેલી ટ્રક અને i10 કાર વચ્ચે ગમખ્વાર અકસ્માત પછી બંને વાહનોમાં આગ લાગતા વાહનોમાં ભયંકર વિસ્ફોટ પણ થયો હતો. કારમાં લાગેલી આગમાં 3 મહિલાઓ જીવતી ભૂંજાઇ ગઈ હતી.
ઘટનાની જાણ થતાં ગોંડલ પાલિકાનાં એમ્બ્યુલન્સ, હાઇવે ઓથોરિટી અને ગોંડલ તાલુકા પોલીસ તેમજ 2 ફાયર ફાઇટરે ઘટનાસ્થળે પહોંચી વાહનો પર પાણીનો મારો ચલાવી આગ પર કાબૂ મેળવ્યો હતો. જોકે બન્ને વાહનો આગમાં બળીને ખાખ થઈ ગયા હતા. અકસ્માતને લીધે ઘટનાસ્થળે લોકોનાં ટોળાં એકઠા થયા હતા. ઘટના અંગે જાણ થતા પોલીસે ઘટનાસ્થળે જઈ કાર્યવાહી હાથ ધરી હતી.
