નેશનલ એવોર્ડ વિનિંગ એક્ટર આયુષ્માન ખુરાના સતત હિટ ફિલ્મો આપી રહ્યા છે. તેની છેલ્લી 6 ફિલ્મો બોક્સ ઓફિસ પર સતત સફળ રહી છે. તેની તાજેતરમાં રિલીઝ થયેલી ફિલ્મ ‘બાલા’ને પણ લોકો ખુબ પસંદ કરી રહ્યા છે. હવે આયુષ્માને સોશ્યલ મીડિયા પર તેની આગામી ફિલ્મ ‘શુભ મંગલ જ્યાદા સાવધાનની રિલીઝ ડેટ જણાવી છે.આયુષ્માને ફિલ્મના તેના પહેલા લુકનું પોસ્ટર શેર કર્યું છે.શેર કરી સાથે જણાવ્યું છે કે તેઓ ખુબ જ જલ્દી ભાગતા ભાગતા આવી રહ્યા છે..આ ફિલ્મ 21 ફેબ્રુઆરી 2020 ના રોજ રીલિઝ થશે.
આ ફિલ્મ અગાઉ 13 માર્ચ 2020 ના રોજ રિલીઝ થવાની હતી.હિતેશ કેવલ્યા દ્વારા દિગ્દર્શિત આ ફિલ્મ આયુષ્માનની સુપરહિટ ફિલ્મ શુભ મંગલ સવધાનની સિકવલ છે જે ઇરેક્ટાઇલ ડિસફંક્શન પર આધારિત હતી. શુભ મંગળ ઝ્યાદા સાવધાન સમલૈંગિકતા પર આધારિત છે.
ફિલ્મમાં આયુષ્માન સાથે વેબ સીરીઝથી પ્રખ્યાત બનેલા અભિનેતા જીતેન્દ્ર કુમાર પણ જોવા મળશે. અને ગજરાજ રાવ અને નીના ગુપ્તા આયુષ્માન ખુરાનાના માતા-પિતાની ભૂમિકામાં જોવા મળશે. અત્યારે વારાણસીમાં ફિલ્મનું શૂટિંગ ચાલી રહ્યું છે.
