ગ્રેટર નોઈડાના ગ્રેનો વેસ્ટમાં ગેલેક્સી પ્લાઝામાં આગ લાગી હતી. આગના કારણે અહીં ભયનો માહોલ સર્જાયો છે. આ ઘટના બિસરખ કોતવાલી પોલીસ સ્ટેશન વિસ્તારમાં બની હતી. આગ લાગ્યા બાદ લોકો પોતાનો જીવ બચાવવા માટે અહીં કૂદતા જોવા મળ્યા હતા. ગ્રેટર નોઈડાના ગૌર સિટી 1 સ્થિત આ ગેલેક્સી પ્લાઝામાં આગ લાગ્યા બાદ આગના ધુમાડા ઘણા દૂર સુધી ઉછળતા જોવા મળી રહ્યા છે. જે તસવીરો સામે આવી છે તેમાં જોવા મળી રહ્યું છે કે કેટલાક લોકો દોરડાની મદદથી નીચે ઉતરવાનો પ્રયાસ કરી રહ્યા છે.
આગની આ ઘટના અંગે કેટલાક મીડિયા રિપોર્ટ્સમાં કહેવામાં આવી રહ્યું છે કે આ આગ શોર્ટ સર્કિટના કારણે લાગી છે. આગની ઘટના એવન્યુ 1, ગૌર સિટી 1 ના ત્રીજા માળે બની હતી. વીડિયોમાં જોવા મળી રહ્યું છે કે લોકો પોતાનો જીવ બચાવવા માટે બારીમાંથી લટકી રહ્યા છે. આગની માહિતી મળતાં જ ફાયર બ્રિગેડની ટીમ ઘટનાસ્થળે પહોંચી ગઈ હતી. આગ પર કાબૂ મેળવવાના પ્રયાસો કરવામાં આવી રહ્યા છે. આગ લાગ્યા બાદ લોકોના જીવ બચાવવા માટે અહીં રેસ્ક્યુ ઓપરેશન ચલાવવામાં આવી રહ્યું છે. જોકે, હજુ સુધી એ જાણવા મળ્યું નથી કે ગેલેક્સી પ્લાઝામાં કેટલા લોકો હાજર હતા.
#Watch : ग्रेटर नोएडा वेस्ट के गौर सिटी गैलेक्सी प्लाजा मॉल में गुरुवार को भीषण आग लग गई। कई लोगों ने जान बचाने के लिए तीसरी मंजिल से छलांग लगा दी।#GreaterNoida #GaurCity #Mall #Fire pic.twitter.com/wu1yMHCgWa
— Hindustan (@Live_Hindustan) July 13, 2023
ગેલેક્સી પ્લાઝામાં લાગેલી આગને કારણે ઘણા લોકો અંદર ફસાઈ ગયા હતા અને લોકો આગના ડરથી ત્રીજા અને ચોથા માળેથી નીચે કૂદવા લાગ્યા હતા. જેનો વીડિયો પણ સોશિયલ મીડિયા પર વાયરલ થઈ રહ્યો છે. પ્લાઝામાં આગની માહિતી મળતાં જ ફાયર વિભાગની ટીમ ઘટનાસ્થળે પહોંચી ગઈ છે અને આગ પર કાબૂ મેળવવાનો પ્રયાસ કરી રહી છે. મળતી માહિતી મુજબ ફાયર વિભાગની 3 ગાડીઓ ઘટનાસ્થળે પહોંચી ગઈ છે, જેમાં બે બાળકોની સાથે અન્ય કેટલાક લોકો પણ અંદર ફસાયા હોવાની માહિતી મળી છે.
