બોલિવુડ સેલિબ્રિટીઝનો કાર પ્રત્યેનો પ્રેમ જગજાહેર છે. મોંઘીદાટ ગાડીઓ બી-ટાઉનના સ્ટાર્સના પાર્કિંગમાં શોભતી હોય છે. ત્યારે હાલમાં જ એક્ટ્રેસ દિશા પટણીએ સોશિયલ મીડિયા પર એક તસવીર પોસ્ટ કરી હતી જેમાં તે રેન્જ રોવરના લેટેસ્ટ મોડલ સાથે પોઝ આપતી જોવા મળે છે. હવે દિશાની આ તસવીર ઈન્ટરનેટ પર વાયરલ થઈ રહી છે. આ કારની કિંમત આશરે 1.80 કરોડ રૂપિયા છે.
ઉલ્લેખનીય છે કે, દિશા પહેલી સેલિબ્રિટી નથી જેની પાસે એસયુવી કાર હોય. કેટરીના કૈફ, અમિતાભ બચ્ચન, અલ્લુ અર્જુન, સંજય દત્ત, શાહરૂખ ખાન, સલમાન ખાન, આલિયા ભટ્ટ અને બીજા ઘણા સેલેબ્સની પસંદગીની કાર પૈકીની એક રેન્જ રોવર છે.વર્કફ્રંટની વાત કરીએ તો દિશા છેલ્લે ફિલ્મ ભારતમાં જોવા મળી હતી. હવે તે અનિલ કપૂર, આદિત્ય રોય કપૂર જેવા એક્ટર્સ સાથે ફિલ્મ મલંગમાં જોવા મળશે. આ ઉપરાંત સલમાનની ફિલ્મ રાધે: યોર મોસ્ટ વોન્ટેડ ભાઈમાં પણ જોવા મળશે.
