રવિવારે મોડી રાત્રે ભાજપના (BJP)પેટા ચૂંટણી માટેના ઉમેદવારો જાહેર કર્યા હતા. જ્યારે કોંગ્રેસ(Congress) દ્વારા 6માંથી 4 બેઠકોના ઉમેદવારો જાહેર કરી લેવામાં આવ્યા છે. મહ્તવનું છે કે કોંગ્રેસ દ્વારા ઉમેદવારો જાહેર કરાયા બાદ અંતે ભાજપે પણ મોડી રાત્રે ઉમેદવારોની જાહેરાત કરી હતી. જેમાં રાધનપુર બેઠક પરથી અલ્પેશ ઠાકોર(Alpesh thakor)ને અને બાયડ વિધાનસભા બેઠક પરથી ધવલસિંહ ઝાલાને ટિકિટ આપવામાં આવી છે. ભાજપે ગુજરાત વિધાનસભાની પેટા ચૂંટણી માટે તમામ 6 બેઠકો માટે જ્યારે કોંગ્રેસે 4 બેઠકો પર પોતાના ઉમેદવાર જાહેર કર્યા છે. ત્યારે બાયડ વિધાનસભા ભાજપ ઉમેદવાર ધવલસિંહ ઝાલા નામાંકન ભરવા તૈયાર છે. માદરે વતન જીતપુરમાં ધવલ્સિંહ ઝાલાએ કુળદેવીના દર્શન કર્યા હતા. સ્થાનિક વતનના કાર્યકરોએ શુભેચ્છાઓપણ પાઠવી છે. ધવલસિંહ ઝાલા બાયડના બોરમઠ ગામે મંદિરે દર્શન કરશે. ગુજરાત વિધાનસભાની પેટા ચૂંટણીમાં કોંગ્રેસે રાત્રે થરાદ, બાયડ, અમરાઇવાડી અને લુણાવાડા બેઠક પર ઉમેદવાર જાહેર કર્યા. જેમાં થરાદ બેઠક પરથી ગુલાબસિંહ રાજપુત, બાયડ બેઠક પરથી પટેલ જશુભાઇ શિવાભાઇ, અમરાઇવાડી બેઠક પરથી ધર્મેન્દ્રભાઇ શાંતિલાલ પટેલ તથા લુણાવાડા બેઠક પર ચૌહાણ ગુલાબસિંહ સોમસિંહના નામની જાહેરાત કરવામાં આવી છે.
