મેટા-માલિકીની ઇન્સ્ટન્ટ મેસેજિંગ એપ WhatsAppએ ભારતમાં તેની પેમેન્ટ સર્વિસને લઈને મોટી જાહેરાત કરી છે. હવે વ્હોટ્સએપ પેમાં ક્રેડિટ કાર્ડ પેમેન્ટ પણ સપોર્ટ કરશે. આ ફીચર આવ્યા બાદ WhatsApp Pay PhonePe, Google Pay અને Paytm સાથે સ્પર્ધા કરશે. WhatsAppના આ નવા ફીચરથી ભારતમાં WhatsAppના લગભગ 50 કરોડ યુઝર્સને ફાયદો થશે.
WhatsApp પેમેન્ટમાં UPI પહેલાથી જ સપોર્ટેડ છે અને નવું અપડેટ UPI સાથે પણ ઉપલબ્ધ થશે. નવા અપડેટ પછી, તમે WhatsApp UPI પેમેન્ટ માટે ક્રેડિટ અને ડેબિટ કાર્ડનો સીધો ઉપયોગ કરી શકશો. GooglePay, PhonePe અને Paytm પહેલેથી જ ક્રેડિટ અને ડેબિટ કાર્ડ પેમેન્ટને સપોર્ટ કરે છે.
એક રિપોર્ટ અનુસાર, ભારતમાં લગભગ 30 કરોડ લોકો UPIનો ઉપયોગ કરી રહ્યા છે અને દર મહિને લગભગ 180 બિલિયન ડૉલરનું પેમેન્ટ કરે છે. WhatsAppએ ભારતમાં JioMart સાથે શોપિંગ પણ શરૂ કર્યું છે, જો કે તે હજુ સંપૂર્ણ રીતે લોન્ચ થયું નથી. JioMartની સેવાઓ હાલમાં દિલ્હી, ચેન્નાઈ જેવા મેટ્રો શહેરો સુધી મર્યાદિત છે.
તમને જણાવી દઈએ કે WhatsAppએ હાલમાં જ ચેનલ ફીચર લોન્ચ કર્યું છે. તેમાં ડિરેક્ટરી સર્ચ પણ છે જેમાં ચેનલો શોધી શકાય છે. વડાપ્રધાન નરેન્દ્ર મોદીની વોટ્સએપ ચેનલ પણ શરૂ કરવામાં આવી છે. ચેનલ દ્વારા, વપરાશકર્તાઓને તેમના મનપસંદ કન્ટેન્ટ સર્જકો, વ્યવસાયો અથવા સેલિબ્રિટીઓ સાથે સીધા કનેક્ટ થવાની તક મળશે.
The post ક્રેડિટ કાર્ડની ચુકવણી WhatsAppમાં પણ કરશે સપોર્ટ, Google Pay, Paytm અને PhonePe સાથે કરશે સ્પર્ધા appeared first on The Squirrel.
