બનાસકાંઠા જીલ્લાના કાંકરેજ તાલુકાના વેપારી મથક એવા થરામાં નગરપાલિકાની ચૂંટણી યોજાનાર છે, જેમાં ફોર્મ ભરવાની પ્રક્રિયા ચાલી રહી છે. ત્યારે આજરોજ થરા નગરપાલિકાની ચૂંટણીના ફોર્મ ભરાયા હતા. જેમાં ભાજપના નગરપાલિકાના ઉમેદવારોએ આજરોજ ફોર્મ ભર્યા હતા. જેમાં વોર્ડ નંબર ૫માં ભારતીબેન ઠકકર, વોર્ડ નંબર ૩માં પૃથ્વીરાજસિંહ વાઘેલા, વોર્ડ નંબર ૧ માંથી ધીરજકુમાર શાહ, તેમજ અન્ય વોર્ડમાં નૈસજ શાહ અને વસંતજી ઘાઘોસે ફોર્મ ભર્યા હતા.
તમામ ઉમેદવારોએ કાંકરેજ મામલતદાર કચેરીમાં ફોર્મ ભર્યા હતાં. ફોર્મ ભરવાની વિધિ સમયે મોટી સંખ્યામાં ભાજપના કાર્યકરો ઉપસ્થિત રહ્યા હતા, અને તમામેં ભાજપના જીતની આશા વ્યક્ત કરી હતી.
