બનાસકાંઠા જિલ્લામાં અકસ્માતોનું પ્રમાણ દિન પ્રતિદિન વધી રહ્યું છે. ત્યારે વડગામના મેઇન બજારમાં સિમેન્ટ ભરેલું ટ્રેલરના ચાલકે અચાનક સ્ટીયરીંગ પરથી કાબુ ગુમાવતા પાંચ દુકાનોનાં શેડ અને શટર તોડી દુકાનોમાં ઘૂસી જતાં અફરા તફરી મચી હતી. મળતી માહિતી મુજબ બનાસકાંઠા જિલ્લાના વડગામમાં સિમેન્ટ ભરેલું એક ટ્રેલર વડગામના મુખ્ય બજારમાંથી પસાર થઈ રહ્યું હતું,
તે સમયે ટ્રેલર ચાલક સ્ટેરીંગ પરનો કાબુ ગુમાવતા ટેલર બેકાબૂ થઈ ગયું હતું. અને ટ્રેલર મુખ્ય બજારમાં આવેલી દુકાનોમાં ઘુસ્યું હતું અચાનક ઘૂસી આવેલું ટ્રેલર દુકાનોના શેડ અને શટર તોડી પાંચ દુકાનોમાં ઘુસી જતા ભારે નાસભાગ મચી હતી. ત્યારે આ ઘટનાને પગલે આજુબાજુના લોકો પણ ઘટના સ્થળ પર દોડી આવ્યા હતા વડગામ મુખ્ય બજારમાં અચાનક ટ્રેલર દુકાનોમાં ઘૂસી જતા દુકાન માલિકોને મોટું નુકશાન થયું હોવાનુ અનુમાન લગાવાઇ રહ્યું છે.
