બનાસકાંઠામાં પાલનપુર આબુ રોડ પર વહેલી સવારે આઈસ્ક્રીમની ફેક્ટરીમાં આગ લાગવાની ઘટના સામે આવી છે. અચાનક આગ લાગતા સમગ્ર ફેક્ટરી આગની ઝપેટમાં આવી હતી. પાલનપુર ફાયર ફાઈટરની ટીમે પાણીનો મારો ચલાવી આગ પર કાબુ મેળવ્યો હતો.મળતી નહીતી મુજબ પાલનપુર આબુ રોડ હાઇવે પર કૈલાસ ટેકરી પાસે આવેલી ક્રીમ બેલ નામની ફેકટરીમાં વહેલી સવારે આગ ભભૂકી ઉઠી હતી. અચાનક આગ લાગતાં અફડાતફરીનો માહોલ સર્જાયો હતો.
આગની જાણ થતાં આજુબાજુના લોકોએ દોડી આવી ફેકટરીના માલિક અને ફાયર ફાઈટર ને જાણ કરી હતી બનાવને પગલે ફાયર ફાઈટરની ટીમ પણ તાત્કાલિક ઘટના સ્થળે આવી પહોંચી હતી અને આગ પર કાબુ મેળવવાના પ્રયાસો હાથ ધર્યા હતા. આ વિકરાળ આગમાં ફેક્ટરીનો માલસામાન સંપૂર્ણ બળીને ખાખ થઈ જતાં ફેક્ટરીના માલિક ને લાખો રૂપિયાનું નુકસાન વેઠવાનો વારો આવે છે.
