બોટાદ તાલુકાના સરવઈ ગામે ખેતરના ઉભા પાકમાં ઢોર ચારવાની ના પાડતા ઉશ્કેરાયેલા લોકો દ્વારા ખેતમજૂર દંપતિને ઢોર માર મારી જાનથી મારી નાખવાની ધમકી અપાઈ રહી છે. ઊભા પાકમાં ઢોર ચરાવવા જેવી સામાન્ય બાબતમાં 1 મહિલા અને 1 પુરુષ પર જાનલેવા હુમલો કરવામાં આવ્યો હતો. બોટાદ તાલુકાના સરવઈ ગામના ખેતમજૂરી કરી રહેલ ભાગીયા દંપતી દ્વારા સરવઈ ગામના જ ભરવાડ સમાજના લોકો દ્વારા હુમલો કરાયો હતો. બંન્ને ખેતમજૂર પતિ-પત્નીને ઢોર માર મારતાં અતિ ગંભીર જણાતા સારવાર અર્થે બોટાદની સોનાવાલા હોસ્પિટલમાં ખસેડવામાં આવ્યા છે. આવા કૃત્ય બદલ સમગ્ર પંથકમાં ચકચાર મચી જવા પામી હતી. આ ઘટના અંગેની વધુ તપાસ બોટાદ પોલીસ દ્વારા કરવામાં આવી રહી છે. આટલી નાની વાતમાં મહિલા અને 1 પુરુષ પર જાનલેવા હુમલો કરવામાં આવ્યો હતો. દિવસેને દિવસે લોકોની માનસિક પરિસ્થિતિ બગડતી જ જાય છે. જ્યાં જોઈએ ત્યાં લોકો નાની-નાની વાતોમાં ગુસ્સે થઇ જતા હોય છે તેમજ ગંભીર અપરાધો કરી બેસે છે. આજના સમયમાં ગુસ્સા પર કંટ્રોલ કરવો ખુબ જ જરૂરી છે.
