ગુજરાત સહિત દેશભરમાં કોરોના વાયરસનો કહેર હજી પણ યથાવત છે. આ વાયરસના સંક્રમણની ઝપેટમાં ધારાસભ્યોથી માંડી રાજ્યસભાના સાંસદો અને મંત્રીઓ પણ આવી ચુક્યા છે. ત્યારે વધુ એક નેતા કોરોના સંક્રમિત થયા છે.
ભાજપ નેતા અને રાજ્યસભાના સાંસદ નરહરી અમીનનો કોરોના રિપોર્ટ પોઝિટિવ આવ્યો છે. આ ઉપરાંત નરહરી અમીનના પત્ની પણ કોરોના પોઝિટિવ આવ્યા છે. મળતી માહિતી મુજબ, રાજ્યસભા સાંસદ નરહરી અમીન કોરોના રિપોર્ટ પોઝિટિવ આવ્યો છે. ટ્વીટ કરી નરહરી અમીને આ અંગે જાણકારી આપી છે.
કોરોના સંક્રમિત હોવાનુ જાણવા મળતાં તેમને યુએન મહેતા હોસ્પિટલમાં સારવાર હેઠળ દાખલ કરવામાં આવ્યા છે. સાથે જ તેમણે પોતાના ટ્વિટમાં પોતાની સંપર્કમાં આવેલા લોકોને આઈસોલેટ થવા અપીલ કરી છે. નરહરી અમીનના પત્ની પણ કોરોના પોઝિટિવ આવ્યા છે. મહત્વનું છે કે આ પહેલા ગુજરાત ભાજપના પ્રદેશ પ્રમુખ સીઆર પાટીલ સહિત અનેક ધારાસભ્યો કોરોનાની ઝપેટમાં આવ્યા હતા. સાથે જ કોંગ્રેસના પણ ઘણા નેતા કોરોના સંક્રમિત થયા હતા.
