કરણ જોહરના એક ચેટ શોમાં આલિયા ભટ્ટ એક સવાલનો જવાબ ન આપી શકવાના કારણે ખૂબ ટ્રોલ થઈ હતી. આ બાદ આલિયા ઘણીવાર મજાકનું કારણ બની છે. હવે એકવાર ફરી આલિયાની જીભ સ્ટેજ પર બોલતા બોલતા લપસી ગઈ. જોકે આ વખતે પણ તે કરણ જોહરના સવાલનો જ જવાબ આપી રહી હતી અને અચાનક માઈક પર તેના મોઢેથી અશ્લીલ શબ્દ નીકળી ગયો. જેને સાંભળતા જ દર્શકોએ શોર મચાવી દીધો. હકીકતમાં રવિવારે આલિયા ભટ્ટ, કરીના કપૂર સાથે જિયો મામી મૂવી મેલા વિથ સ્ટાર્સ 2019માં પહોંચી હતી.
અહીં નિર્દેશક કરણ જોહર સવાલ કરી રહ્યો હતો. કરણના એક સવાલના જવાબમાં આલિયા કરીના કપૂરની પ્રશંસા કરી રહી હતી. બોલતા-બોલતા જ આલિયાના મોઢેથી એક અશ્લીલ શબ્દ નીકળી જાય છે. આ સાંભળીને દર્શકો શોર મચાવી દે છે.જોકે શોના હોસ્ટ કરણ જોહર આલિયાના શબ્દને સાંભળી નથી શકતો અને પૂછી રહ્યો છે કે આલિયાએ શું કહ્યું ત્યારે કરીના તેને શબ્દ ફરીથી કહે છે. આ સાંભળીને જ કરણ જોર-જોરથી હસવા લાગે છે. આટલું જ નહીં બંને એક્ટ્રેસ પણ મોઢા પર હાથ મૂકીને હસવા લાગે છે.આલિયા ભટ્ટનો આ વિડિઓ સોશિયલ મીડિયા પર ખુબ વાયરલ થઈ રહ્યો છે.
