બોલિવૂડ એક્ટ્રેસ પૂજા બેદીની પુત્રી આલિયા ફર્નીચલવાલા સૈફ અલી ખાન સાથે ફિલ્મ જવાની જાનેમનથી બોલીવુડમાં ડેબ્યૂ કરવા જઈ રહી છે. ડેબ્યૂ પહેલા જ આલિયાએ હેટ્રિક મારી છે. તેમણે જવાની જાનેમનના પ્રોડ્યૂસર જય શેવાક્રમની સાથે 3 ફિલ્મો સાઈન કરી છે. આલિયાને 3 ફિલ્મોમાં એક સાથે સાઈન કરવા પર જયે કહ્યું કે, મેં માત્ર પોતાની વૃતિનું પાલન કર્યું છે.
જવાની જાનેમનમાં આલિયા સાથે કામ કર્યા બાદ મને લાગ્યું કે તે શું-શું કરી શકે તેમ છે.તે ખૂબ સારી એક્ટ્રેસ સાબિત થશે. જવાની જાનેમન એક પિતા અને પુત્રીની વાર્તા છે. ફિલ્મમાં સેફ અલી ખાન આલિયાના પિતાનું પાત્ર નિભાવતો જોવા મળશે. ફિલ્મને નિતિન કક્કડે ડિરેક્ટ કરી છે. ફિલ્મમાં સેફ અને આલિયાની સાથે તબ્બૂ પણ મહત્વના રોલમાં જોવા મળશે. આ ફિલ્મ 29 નવેમ્બરના રોજ રિલીઝ થશે.
