અક્ષય કુમારની ફિલ્મ હાઉસફુલ 4 નું શૈતાન કા સાલા ગીત રિલીઝ થયું ત્યારથી બાલા ચેલેન્જને લોકો ખુબ પસંદ કરી રહ્યા છે. બધા આ સોન્ગના સિગ્નેચર સ્ટેપ્સ કરીને સોશિયલ મીડિયા પર ફની વીડિયો પોસ્ટ કરી રહ્યા છે. આ લિસ્ટમાં ફિલ્મ સેલિબ્રિટીનું નામ પણ શામેલ છે. કરીના કપૂર ખાનથી લઈને રણવીર સિંહ, દિલજીત દોસાંઝ અને કિયારા અડવાણીએ આ ‘બાલા ચેલેન્જ’ પૂરૂ કર્યું છે. અને હવે આ ચેલેન્જમાં અર્જુન કપૂર અને મનીષ પોલનું નામ પણ શામેલ થઈ ગયુ છે. અર્જુન તાજેતરમાં જ મનીષ સાથે તેના નવા શો ‘મૂવી મસ્તી વિથ મનીષ પોલ’ માટે શૂટિંગ કરી રહ્યો હતો. શૂટિંગ દરમિયાન અર્જુન અને મનીષે ‘શૈતાન કા સાલા’ ના હૂક સ્ટેપ્સ પરફોર્મ કર્યા હતા. અર્જુને આ વીડિયોને તેના ઈન્સ્ટાગ્રામ એકાઉન્ટ પર શેર કર્યો છે. હાઉસફુલ 4 આ વર્ષે દિવાળી પર રિલીઝ થશે. ફિલ્મમાં અક્ષય ઉપરાંત કૃતિ સેનન, કૃતિ ખરબંદા, બોબી દેઓલ, રિતેશ દેશમુખ, ચંકી પાંડે અને બીજા ઘણા સ્ટાર્સ જોવા મળશે.
