અક્ષય કુમારે નિખીલ અડવાણી સાથેની પોતાની આગામી ફિલ્મ ‘બેલ બોટમ’ની જાહેરાત કરી હતી. હવે, અક્ષય કુમાર તેલુગુ ફિલ્મ ‘ભાગમતી’ની હિંદી રીમેક પ્રોડ્યૂસ કરવાના છે. ‘ભાગમતી’માં અનુષ્કા શેટ્ટી લીડ રોલમાં જોવા મળી હતી………સૂત્રોના જણાવ્યા પ્રમાણે, પ્રોડ્યૂસર વિક્રમ મલ્હોત્રા સાથે મળીને અક્ષય કુમાર ‘ભાગમતી’ ફિલ્મ પ્રોડ્યૂસ કરશે.
આ ફિલ્મમાં આર માધવન તથા ભૂમિ પેડનેકર લીડ રોલમાં જોવા મળશે. તેલુગુ ફિલ્મ ‘ભાગમતી’ને ડિરેક્ટર જી અશોકે ડિરેક્ટ કરી હતી, હિંદી ફિલ્મને પણ એ જ ડિરેક્ટ કરશે. હાલના તબક્કે હજી ફિલ્મને લઈ વાતચીત ચાલી રહી છે. અક્ષય કુમાર ફિલ્મમાં કેમિયો કરતો જોવા મળશે. તે આ ફિલ્મના શૂટિંગ માટે છથી આઠ દિવસનો સમય આપશે. આ ફિલ્મ વર્ષના અંત પહેલાં ફ્લોર પર જશે……‘ભાગમતી’માં મહિલા આઈએએસ ઓફિસર ચંચળ રેડ્ડી ભૂતિયા ઘરની અંદર બંધક બને છે. ચંચળ રેડ્ડીમાં આત્માનો પ્રવેશ થાય છે. આ ફિલ્મ બોક્સ ઓફિસ પર હિટ રહી હતી.
