બોલિવુડ એક્ટર અજય દેવગન સોમવારે રાજસ્થાનના અજમેર પહોંચ્યા હતા. અભિનેતા અહીં તેમના પુત્ર યુગ દેવગન સાથે અજમેર શરીફ દરગાહમાં પહોચ્યા હતા. અજય દેવગન અજમેર પહોંચતાંની સાથે જ તેના ચાહકોએ તેને ઘેરી લીધો હતો. જેના કારણે ત્યાં ભારે ધક્કા-મુક્કી થઈ હતી. બોડીગાર્ડ્સે ખુબ મહેનત બાદ ફેન્સને સાઈડમાં કર્યા હતા.આ સમયે ફેન્સની ભારે ભીડના કારણે અજય દેવગન ખુબ ગુસ્સે જોવા મળ્યા હતા. પોતાના પસંદીદા એક્ટરની એક ઝલક માટે ફેન્સ સાથેનો અજય દેવગણનો આ વીડિયો સોશિયલ મીડિયા પર ખુબ વાયરલ થઈ રહ્યો છે. અજમેરની શરીફ દરગાહમાં ઘણા સેલીબ્રીટી હાજરી આપતા હોય છે.અજય દેવગનના વર્કફ્રન્ટ વિશે વાત કરવામાં આવે તો તે છેલ્લે ફિલ્મ દે દે પ્યાર દે માં જોવા મળ્યો હતો. આ ફિલ્મમાં તેની સાથે તબ્બુ અને રકુલ પ્રીત સિંહ પણ હતા. અજય દેવગન હવે ‘તનાજી: ધ અનસંગ વોરિયર’ ફિલ્મમાં જોવા મળશે. આ ફિલ્મમાં તેની સાથે સૈફ અલી ખાન પણ હશે. આ ફિલ્મ 10 જાન્યુઆરી, 2020 માં રીલિઝ થશે. આ ફિલ્મ બોક્સ ઓફિસ પર દીપિકા પાદુકોણની ફિલ્મ છપાક સાથે ટકરાશે.
