માનવ કમ્પ્યુટર તરીકે ફેમસ શકુંતલા દેવીના જીવન પર ફિલ્મ બની રહી છે. આ ફિલ્મમાં અમિત સાધ શકુંતલા દેવીના જમાઈ અજયના રોલમાં છે. તેણે ફિલ્મનું શૂટિંગ પૂરું કરી લીધું છે. તેણે આ વાતની જાણ ઇન્સ્ટા પર પોસ્ટ શેર કરીને કરી હતી. તેણે લખ્યું હતું કે, ‘મહાન મહિલાઓની કંપનીમાં…. શૂટિંગ પૂરું થયું.’આ બાયોપિકમાં વિદ્યા બાલન શંકુતલા દેવીના રોલમાં છે. જ્યારે સાન્યા મલ્હોત્રા શકુંતલા દેવીની દીકરી અનુપમા બેનર્જીના રોલમાં છે. આ બાયોપિકને અનુ મેનન ડિરેક્ટ કરી રહી છે……
હાલ તો ફિલ્મની રિલીઝ ડેટ ફાઇનલ થઇ નથી પરંતુ ફિલ્મ આવતા વર્ષે રિલીઝ થશે.શકુંતલા દેવી રાઇટર અને મેન્ટલ કેલ્ક્યુલેટર હતાં.1982ના ગિનિસ બુક ઓફ વર્લ્ડ રેકોર્ડસ એડિશનમાં તેમણે પોતાની ઝડપી ગણતરીની આવડતથી નામ રોશન કર્યું હતું. આ ઉપરાંત તેઓ એસ્ટ્રોલોજર અને નોવેલિસ્ટ પણ હતાં. તેમની પહેલી બુક ‘ધ વર્લ્ડ ઓફ હોમોસેક્સ્યુઅલ’ને ભારતમાં હોમોસેક્સ્યુઆલિટીની પહેલી સ્ટડી તરીકે ગણવામાં આવે છે.
