વડોદરાના ડભોઇ કૌમૂદી હોલ ખાતે રાષ્ટ્રીય સ્વયં સેવક સંઘ દ્વારા મહર્ષિ નારદ જ્યંતી નિમિત્તે પત્રકાર સંમેલન યોજવા માઆવ્યું ડભોઇ કૌમૂદી હોલ ખાતે શ્રી મહર્ષિ નારદ જયંતીના ઉપલક્ષમાં રાષ્ટ્રીય સ્વયંસેવક સંઘ વડોદરા જિલ્લા પ્રચાર વિભાગદ્વારા ડભોઇ માં પત્રકાર મિલન કાર્યક્રમ નું આયોજન કરવામાં આવ્યું હતું..દુનિયાના સૌપ્રથમ પત્રકાર કહેવાતા મહર્ષિ નારદમુનિના જયંતિ પ્રસંગે પ્રિન્ટ તથા ઈલેકટ્રોનિક મીડિયા સાથે જોડાયેલા પત્રકાર મિત્રો સાથે જિલ્લા સંઘચાલક તુલસીભાઈ પટેલ ડભોઇ નગર સંઘચાલક મનોજભાઈ, જિલ્લા કાર્યવાહ સંજયભાઈ પટેલ , તથા જિલ્લા પ્રચાર પ્રમુખ નિલેશભાઈ જોષી ઉપસ્થિત રહ્યા હતા.
સંઘમાં જિલ્લા બૌદ્ધિક પ્રમુખ ની જવાબદારી નું વહન કરતા જીગરભાઈ પંડ્યા એ પોતાની સરળ શૈલીમાં પત્રકાર મિત્રો સાથે સંવાદ કરી પત્રકારત્વ અને સામાજિક જવાબદારીઓ અંગે સુયોગ્ય માર્ગદર્શન પૂરું પાડ્યું હતું..તેમને વધુમાં જણાવ્યું કે નારદજીનું મુખ્ય કામ માહિતીનું આદાન પ્રદાન કરવાનું હતું. તેઓ કોઈ વિશેષ મરી મસાલા ઉમેરતા ન હતા.લોકશાહીના ચોથા સ્તંભ એવા પત્રકારત્વએ આદ્ય પત્રકાર મહર્ષિ નારદ પાસેથી પ્રેરણા લઈ ને સક્રિય રીતે પોતાની જવાબદારી નિભાવવી જોઈએ તેમ જણાવ્યું.
