અનિલ કપૂર, અરશદ વારસી અને જૉન અબ્રાહમની ફિલ્મ પાગલપંતીનું મજેદાર પહેલું ટ્રેલર રીલિઝ થઈ ચૂક્યું છે. જેને દર્શકો ખૂબ પસંદ કરી રહ્યા છે. મેકર્સ હવે તેનું વધુ એક ટ્રેલર લઈને આવ્યા છે. જેને જોઈને તમે હસી હસીને લોટપોટ થઈ જશો. 3 મિનિટના આ વીડિયોમાં ફિલ્મની સ્ટારકાસ્ટની ક્રેઝી કોમેડી જોવા મળશે. કાસ્ટ ફિલ્મની રીલિઝ માટે તૈયાર છે અને હાલ પ્રમોશનમાં વ્યસ્ત છે. ફિલ્મના ડિરેક્ટર અનીસ બઝ્મીએ આ ટ્રેલરને ટ્વીટ કર્યું છે અને સાથે લખ્યું કે,કોણ કરશે સૌથી વધારે પાગલપંતી? આ ફિલ્મ 22 નવેમ્બરના રોજ રીલિઝ થઈ રહી છે. ફિલ્મમાં અનિલ કપૂર, જૉન અબ્રાહમ, ઈલિયાના ડિક્રૂઝ, અરસદ વારસી, પુલકિત સમ્રાટ, કૃતિ ખરબંદા, ઉર્વશી રૌતેલા અને સૌરભ શુક્લા જેવી મોટી સ્ટારકાસ્ટ જોવા મળશે. ઉર્વશી રાઉતેલા અને જૉન અબ્રાહમ ફિલ્મ ‘પાગલપંતી’માં શ્રીદેવીનું ફેમસ ગીત ‘તેરા બીમાર મેરા દિલ’ને રીક્રીએટ કરતાં પણ જોવા મળશે.
