આમિરખાન અને કરીના કપૂરની અપકમિંગ ફિલ્મ લાલ સિંહ ચઢ્ઢાનો ફર્સ્ટ લુક રિલીઝ થઇ ગયો છે…….આ ફિલ્મમાં તે લાલ સિંહ ચઢ્ઢાના રોલમાં છે. આ ફિલ્મમાં આમિરની સાથે કરીના કપૂર પણ લીડ રોલમાં છે. આ ફિલ્મ હોલિવૂડ ફિલ્મ ‘ફોરેસ્ટ ગમ્પ’નું ઓફિશિયલ અડેપ્ટેશન છે. ફિલ્મનો તેનો ફર્સ્ટ લુક શેર કરતાં આમિરે સોશિયલ મીડિયા પર લખ્યું કે, સત શ્રી અકાલ, માય સેલ્ફ લાલ…. લાલ સિંહ ચઢ્ઢા. આ ફિલ્મ આવતા વર્ષે ક્રિસમસ પર રિલીઝ થશે.ફિલ્મના ડિરેક્ટર ‘સિક્રેટ સુપરસ્ટાર’ ફેમ ડિરેક્ટર અદ્વૈત ચંદન છે.
આ ફિલ્મને અલગ-અલગ ભાષામાં એક્ટિંગ કરી ચૂકેલા એક્ટર અતુલ કુલકર્ણીએ લખી છે. ફિલ્મને વાયાકોમ અને આમિર ખાન પ્રોડક્શન સાથે પ્રોડ્યૂસ કરી રહ્યું છે. આ ફિલ્મના રાઇટ્સ મેળવવા માટે આમિર 8 વર્ષથી મહેનત કરી રહ્યો હતો. આ ફિલ્મમાં આમિર અને કરીનાની સાથે સાઉથ સ્ટાર વિજય સેતુપતિ પણ સામેલ છે. આ ફિલ્મ તેમની બોલિવૂડ ડેબ્યુ ફિલ્મ છે……..
‘ફોરેસ્ટ ગમ્પ’ ફિલ્મ 1994માં રિલીઝ થઇ હતી. ફિલ્મની વાર્તા એક સામાન્ય માણસના જીવનની આસપાસ ફરે છે. જે અન્ય લોકો જેવો એકદમ સ્માર્ટ ન હોવા છતાં દરેક સ્થિતિમાં ખુશી શોધી લે છે. તે મહેનત અને નસીબના જોરે ઘણાં એવાં કામ કરે છે જે ઐતિહાસિક કાર્યો બને છે. તેમ છતાં તે હંમેશાં તેની ગમતી નાનપણની ફ્રેન્ડ વિશે જ વિચારતો રહે છે, જેની લાઈફ એકદમ અસ્ત વ્યસ્ત થઇ ગઈ હોય છે……..આ ફિલ્મને 6 ઓસ્કર અવોર્ડ મળ્યા હતા. બેસ્ટ ડિરેક્ટર, બેસ્ટ ફિલ્મ, બેસ્ટ એક્ટર, બેસ્ટ સ્ક્રીનપ્લે, બેસ્ટ વિઝ્યુઅલ ઈફેક્ટ અને બેસ્ટ ફિલ્મ એડિટિંગના અવોર્ડ્સ મળ્યા હતા.
