બોલિવુડના ફિલ્મમેકર કરણ જોહર સોશિયલ મીડિયા પર ખૂબ એક્ટિવ રહે છે. અવારનવાર કરણ જોહર પોતાની આગામી ફિલ્મ અને એક્ટર્સને લગતી પોસ્ટ મૂકતો રહે છે. આ સિવાય પોતાના બાળકો યશ અને રૂહી સાથે તસવીરો પોસ્ટ કરતો રહે છે. હાલમાં જ કરણે બંને બાળકો સાથે ફરી ફોટો શેર કરીને દીકરા યશ વિશેની એક બાબતનો ખુલાસો કર્યો છે.કરણ જોહરે આરાધ્યા બચ્ચનની બર્થ ડે પાર્ટીની તસવીર શેર કરી છે. જેમાં તે બંને બાળકો સાથે પોઝ આપતો મળે છે.
https://www.instagram.com/p/B4-VNcpJvFd/?utm_source=ig_web_button_share_sheet
તસવીરમાં કરણની દીકરી રૂહી કેમેરા સામે પોઝ આપી રહી છે પરંતુ યશ ઊંધો ફરી ગયો છે. આ તસવીર શેર કરતાં કરણે લખ્યું, મારી જેમ મારો દીકરો પણ કેમેરા જોઈને શરમાઈ જાય છે.ઘણા સેલેબ્સ કરણની આ પોસ્ટ પર કોમેન્ટ કરી રહ્યા છે. આરાધ્યા બચ્ચનની બર્થ ડે પાર્ટીમાં ઘણા સ્ટારકિડ્સ સામેલ થયા હતા. શાહરૂખ ખાનના દીકરા અબરામથી લઈને રિતેશ દેશમુખના બાળકો પાર્ટીમાં સામેલ થયા હતા. દર વર્ષે બચ્ચન પરિવાર આરાધ્યા માટે શાનદાર બર્થ ડે પાર્ટીનું આયોજન કરે છે. જેમાં આરાધ્યાના ફ્રેન્ડ્સ ઉપરાંત બી-ટાઉનના સ્ટારકિડ્સ સામેલ થાય છે.જણાવી દઈએ કે, કરણ જોહર 2017માં સરોગસી દ્વારા બે જોડિયા બાળકો યશ અને રૂહીનો પિતા બન્યો હતો. કરણે બાળકોના નામ પોતાના માતા-પિતા યશ અને રૂહી જોહરના નામ પરથી રાખ્યા છે.
