સલમાન ખાનની ફિલ્મ ‘દબંગ 3’ નું સૌથી મનોરંજક અને લોકપ્રિય સોન્ગ હુડ હુડ દબંગ રિલીઝ થઈ ગયું છે. આ સોન્ગને સલમાનના ચાહકો ખૂબ પસંદ કરી રહ્યા છે.
અગાઉ આ ફિલ્મના ઘણા ઓડીઓ સોન્ગ રીલીઝ થઈ ચૂક્યા છે, જેમાં ‘મુન્ના બદનામ હુઆ’ અને ‘આવારા’ જેવા ગીતોનો સમાવેશ થાય છે. ‘દબંગ’ ફ્રેન્ચાઇઝીના આ નવા ગીતમાં સલમાન તેના નવા નવા અવતારમાં જોવા મળી રહ્યો છે, દબંગના આ સોન્ગના ડાન્સ હુક સ્ટેપ્સ લોકોમાં ખુબ ફેમસ થયા હતા અને આ વખતે પણ ચુલબુલ પાંડે નવા યુનિક સ્ટેપ્સ લઈને આવ્યો છે. અને આ સ્ટેપ્સ પણ લોકો ખુબ પસંદ કરી રહ્યા છે.
ચાહકો આતુરતાથી આ ટાઇટલ ટ્રેકની રાહ જોઈ રહ્યા હતા. ચુલબુલ પાંડેએ આ સોન્ગ પોતાના સોશ્યલ મીડિયા એકાઉન્ટ પર શેર કર્યું છે. મહેશ્વરના અહિલ્યાના કિલ્લાના ઘાટ પર ફિલ્માવવામાં આવેલ આ ગીતનું શૂટિંગ લગભગ 500 બેકગ્રાઉન્ડ ડાન્સર્સ સાથે કરવામાં આવ્યું હતું. આ સોન્ગની કોરીઓગ્રાફર શબીના ખાન અને કમ્પોઝર સાજિદ-વાજિદ છે. દબંગ 3 નું દિગ્દર્શક પ્રભુદેવા અને નિર્માતા સલમાન ખાન, અરબાઝ ખાન અને નિખિલ દ્વિવેદી છે. આ ફિલ્મ 20 ડિસેમ્બરે રિલીઝ થશે.
